Foto: Polisia.kz
Qaraǵandyda birneshe urlyq deregi ashyldy. Bul týraly Polisia.kz habarlady.
Qalada 54 jastaǵy turǵynnyń uialy telefony urlanǵan. Politsiia kúdiktini jedel túrde ustap, onyń 44 jastaǵy er adam ekeni anyqtaldy.
Tergeý barysynda ol tek telefon urlyǵyn ǵana emes, buǵan deiin jasalǵan taǵy bir qylmysqa qatysy baryn moiyndady. Anyqtalǵandai, kúdikti qys mezgilinde jeke turǵyn úi aýlasyna zańsyz kirip, úsh dana qymbat titan diskin qoldy etken.
Politseiler 29 jastaǵy jábirlenýshini anyqtap, dáleldemelerdi jinaý jumystaryn jalǵastyryp jatyr.
Qazirgi ýaqytta eki derek boiynsha sotqa deiingi tergeý bastaldy. Sondai-aq kúdiktiniń basqa da uqsas qylmystarǵa qatysy tekserilýde.
