Qaraǵandy oblysynyń Jedel járdem parki 36 jyljymaly meditsinalyq keshenmen tolyqty. Taǵy 24 kólik jyl sońyna deiin jetkiziledi. Reanimobilder respýblikalyq biýdjet esebinen satyp alyndy, dep habarlaidy "Ult aqparat".
Sanitariialyq avtokólik qajetti meditsinalyq jabdyqtarmen qamtamyz etilgen: ÓJJ-apparattarymen, patsienttiń monitorlarymen, defibrilliatorlarmen, aǵa kezekshi dárigerge derekterdi berý fýnktsiiasy bar elektrokardiograftarmen. Sondai-aq, qajetti reanimatsiialyq sharalardy ótkizýge arnalǵan tolyq jiyntyq bar. Mashinalar ártúrli jiyntyqta: mamandandyrylǵan brigadalarǵa arnalǵan S klasty reanimobilderden feldsherlik brigadalarǵa arnalǵan A klasty avtomobilderge deiin. Reanimobilder oblystyń barlyq qalalary men aýdandaryna taratylady. Bul óz kezeginde jedel járdem qyzmeti parkiniń 60%-yn jańartýǵa jáne qosalqy stantsiialarda rezervtik quram jasaýǵa múmkindik beredi.
«Búgin oblysqa 36 reanimobil keldi. Jyl sońyna deiin taǵy 24-i jetkiziledi. Bul kólikter Densaýlyq saqtaý ministrliginiń qoldaýymen jetkizilýde. Jalpy, óńirde koronavirýsqa bailanysty túrli jaǵdailarǵa daiyndyq boiynsha úlken jumystar júrgizilýde. Búgin 44 aýrýhana kez-kelgen ýaqytta jumysqa kirisýge daiyn. Sondai-aq, biz dárigerler úshin barlyq qajetti tehnikalyq jáne basqa da jaǵdailardy jasaýymyz kerek. Bul jańa kólikter olardyń jumysyna kómektesedi», - dedi Jeńis Qasymbek.
Jalpy, jyl basynan beri oblysqa ártúrli modifikatsiiadaǵy jáne ótimdiliktegi 300-ge jýyq meditsinalyq maqsattaǵy mashina keldi.
Avtoparkti jańartý Qaraǵandy óńiriniń turǵyndaryna meditsinalyq kómek kórsetýdiń sapasy men ýaqtylyǵyn aitarlyqtai jaqsartýǵa múmkindik beredi.
