قاراعاندى وبلىسىنىڭ جەدەل جەردەم پاركٸ 36 جىلجىمالى مەديتسينالىق كەشەنمەن تولىقتى. تاعى 24 كٶلٸك جىل سوڭىنا دەيٸن جەتكٸزٸلەدٸ. رەانيموبيلدەر رەسپۋبليكالىق بيۋدجەت ەسەبٸنەن ساتىپ الىندى, دەپ حابارلايدى "ۇلت اقپارات".
سانيتارييالىق اۆتوكٶلٸك قاجەتتٸ مەديتسينالىق جابدىقتارمەن قامتامىز ەتٸلگەن: ٶجج-اپپاراتتارىمەن, پاتسيەنتتٸڭ مونيتورلارىمەن, دەفيبريللياتورلارمەن, اعا كەزەكشٸ دەرٸگەرگە دەرەكتەردٸ بەرۋ فۋنكتسيياسى بار ەلەكتروكارديوگرافتارمەن. سونداي-اق, قاجەتتٸ رەانيماتسييالىق شارالاردى ٶتكٸزۋگە ارنالعان تولىق جيىنتىق بار. ماشينالار ەرتٷرلٸ جيىنتىقتا: مامانداندىرىلعان بريگادالارعا ارنالعان س كلاستى رەانيموبيلدەردەن فەلدشەرلٸك بريگادالارعا ارنالعان ا كلاستى اۆتوموبيلدەرگە دەيٸن. رەانيموبيلدەر وبلىستىڭ بارلىق قالالارى مەن اۋداندارىنا تاراتىلادى. بۇل ٶز كەزەگٸندە جەدەل جەردەم قىزمەتٸ پاركٸنٸڭ 60%-ىن جاڭارتۋعا جەنە قوسالقى ستانتسييالاردا رەزەرۆتٸك قۇرام جاساۋعا مٷمكٸندٸك بەرەدٸ.
«بٷگٸن وبلىسقا 36 رەانيموبيل كەلدٸ. جىل سوڭىنا دەيٸن تاعى 24-ٸ جەتكٸزٸلەدٸ. بۇل كٶلٸكتەر دەنساۋلىق ساقتاۋ مينيسترلٸگٸنٸڭ قولداۋىمەن جەتكٸزٸلۋدە. جالپى, ٶڭٸردە كوروناۆيرۋسقا بايلانىستى تٷرلٸ جاعدايلارعا دايىندىق بويىنشا ٷلكەن جۇمىستار جٷرگٸزٸلۋدە. بٷگٸن 44 اۋرۋحانا كەز-كەلگەن ۋاقىتتا جۇمىسقا كٸرٸسۋگە دايىن. سونداي-اق, بٸز دەرٸگەرلەر ٷشٸن بارلىق قاجەتتٸ تەحنيكالىق جەنە باسقا دا جاعدايلاردى جاساۋىمىز كەرەك. بۇل جاڭا كٶلٸكتەر ولاردىڭ جۇمىسىنا كٶمەكتەسەدٸ», - دەدٸ جەڭٸس قاسىمبەك.
جالپى, جىل باسىنان بەرٸ وبلىسقا ەرتٷرلٸ موديفيكاتسيياداعى جەنە ٶتٸمدٸلٸكتەگٸ 300-گە جۋىق مەديتسينالىق ماقساتتاعى ماشينا كەلدٸ.
اۆتوپاركتٸ جاڭارتۋ قاراعاندى ٶڭٸرٸنٸڭ تۇرعىندارىنا مەديتسينالىق كٶمەك كٶرسەتۋدٸڭ ساپاسى مەن ۋاقتىلىعىن ايتارلىقتاي جاقسارتۋعا مٷمكٸندٸك بەرەدٸ.
