«Qarmet» AQ-nyń ishki aýdit qyzmeti Qazaqstan Respýblikasynyń Ishki ister ministrligimen birlesip, kásiporynǵa temirquramdy shikizat jetkizýge bailanysty alaiaqtyq shemanyń jolyn kesti. Aldyn ala esep boiynsha keltirilgen shyǵyn shamamen 190 mln teńgeni qurady.
2025 jylǵy 6 qańtarda metallýrgiialyq kombinat pen merdiger uiym arasynda temirquramdy shikizatty qazý, tasymaldaý, óńdeý, suryptaý jáne tieý boiynsha kelisimshart jasalǵan.
Tekserý barysynda anyqtalǵandai, shikizat jetkizýshi ókilderi kombinattyń jekelegen qyzmetkerlerimen sóz bailasyp, jetkiziletin ónimdegi temir quramynyń kórsetkishterin jasandy túrde joǵarylatyp otyrǵan. Sonyń nátijesinde merdigerdiń ónimi turaqty túrde 50%-dan joǵary temir quramyn kórsetip, kásiporyn talaptaryna sai dep tanylǵan. Al basqa jetkizýshilerdiń shikizaty zerthanalyq taldaýlarǵa sáikes belgilengen talaptardan ótpegen.
Sondai-aq, bul shemanyń zerthanalyq zertteý nátijelerine qolmen aralasý arqyly júzege asyrylǵany belgili boldy. Nátijesinde bir merdiger shikizat jetkizýde artyqshylyqqa ie bolyp, is júzinde kombinattyń monopoliialyq jetkizýshisine ainalǵan.
Osy rette Qarmet shikizatty joǵary sapaly ónim retinde tólegenimen, is júzinde onyń sipattamalary málimdelgen talaptarǵa sáikes kelmegen jáne qajetti óndiristik nátije bermegen.
Jedel is-sharalar barysynda Temirtaý qalasynyń 13 turǵyny ustaldy. Tintý kezinde iri kólemdegi aqsha qarajaty men basqa da zattai dáleldemeler tárkilendi. Atalǵan fakti boiynsha sotqa deiingi tergeý júrgizilýde.
Kompaniia ókilderiniń aitýynsha, bul shemanyń áshkerelenýi Qarmet pen quqyq qorǵaý organdarynyń óndiristik qaýipsizdikti qamtamasyz etý, urlyqtyń aldyn alý jáne kásiporynnyń turaqty jumysyn saqtaý baǵytyndaǵy birlesken jumysynyń nátijesi.
«Biz sybailas jemqorlyqqa, alaiaqtyqqa jáne kásiporyn esebinen zańsyz baiý áreketterine múlde tózbeýshilik qaǵidatyn ustanamyz. Muny birneshe ret aittyq. Ókinishke qarai, mundai áreketterge óz qyzmetkerlerimiz de qatysqan jaǵdaida, faktilerdi anyqtaý birshama ýaqyt alady. Degenmen, Qarmet kelgennen beri eshkimge artyqshylyq bolmaidy – árbir qylmys erte me, kesh pe jazasyn alady», – dedi «Qarmet» AQ ekonomikalyq qaýipsizdik jónindegi direktory Shoqan Zekenov.
Kompaniiada atap ótkendei, bul kásiporyn mańyndaǵy qylmystyq shemalardyń jolyn kesken alǵashqy jaǵdai emes. Buǵan deiin IIM Qarmet nysandarynda urlyq jasaýmen jáne ózge de aýyr qylmystarmen ainalysqan birneshe uiymdasqan qylmystyq toptyń joiylǵanyn habarlaǵan.
Kompaniianyń alǵashqy jumys jylynda 40 adamnan turatyn, metall ónimderin urlaýmen ainalysqan uiymdasqan qylmystyq toptyń qyzmeti toqtatylǵan.
2024 jyldyń tamyz aiynda óńirdegi kriminogendik jaǵdaiǵa jáne kompaniia qyzmetine yqpal etken taǵy bir qylmystyq toptyń jetekshisi men 27 múshesi ustaldy.
Qyrkúiekte shahtalardyń biriniń ókili jumysqa ornalasýǵa úmitkerlerden turaqty túrde zańsyz aqsha alyp otyrǵany úshin sottaldy.
Sol jyldyń jeltoqsanynda Qaraǵandy oblysynyń Abai aýdanynda Qarmet shahterlerinen aqsha bopsalaýmen ainalysqan top áshkerelendi.
2024 jyly IIM, UQK jáne Memlekettik kúzet qyzmeti Bas prokýratýranyń úilestirýimen metallýrgiialyq kombinattyń asa iri kólemdegi qarajatyn jymqyrý shemasyn da toqtatty. Bul epizod boiynsha shyǵyn 1,5 mlrd teńgeden asqan.
2025 jyly kompaniianyń ekonomikalyq qaýipsizdik qyzmeti Qaraǵandy oblysy politsiia departamentiniń uiymdasqan qylmysqa qarsy kúres basqarmasymen birlesip, shahterlerden kúsh qoldaný qaýpimen júieli túrde aqsha bopsalaǵan 5 adamnan turatyn toptyń áreketin toqtatty.
Qarmet aldaǵy ýaqytta da ishki baqylaýdy kúsheitip, quqyq qorǵaý organdarymen ózara is-qimyldy arttyrýdy jáne óndiristik aýmaqta urlyq, sybailas jemqorlyq pen ózge de zańsyz áreketterdiń aldyn alýdy jalǵastyrady.
