Foto: Polisia.kz
Qaraǵandy oblysynda mal urlyǵymen ainalysqan top ustaldy, – dep habarlaidy Polisia.kz.
Ótken jyldyń sońynda Qaraǵandy oblysy Buqar jyraý aýdanynyń politsiia basqarmasyna eki aýyl turǵyny júginip, sarailarynan 12 qoi men jylqy urlanǵandyǵyn aitqan. Mal ieleriniń árqaisysyna 600 myń teńge shyǵyn keltirilgen.
Jedel ázirlemeniń nátijesinde politsiia qyzmetkerleri mal urlyǵymen ainalysqan toptyń izine tústi. 19 ben 21 jas aralyǵyndaǵy alty jigit ońai olja úshin osyndai qylmysqa barǵan. Urlanǵan túliktiń etin satyp, túsken aqshany ózara bólisken.
"Tártip saqshylary kúdiktilerdiń úiinen mal terisi men bir tiri qoidy tárkiledi. Tórt adam ýaqytsha ustaý izoliatoryna qamaldy.
Qazirgi ýaqytta top músheleriniń basqa da osyǵan uqsas qylmystarǵa qatysy bar-joǵy tekserilip jatyr. Tergeý is-sharalary júrgizilýde" - delingen habarlamada.
