فوتو: Polisia.kz
قاراعاندى وبلىسىندا مال ۇرلىعىمەن اينالىسقان توپ ۇستالدى, – دەپ حابارلايدى Polisia.kz.
ٶتكەن جىلدىڭ سوڭىندا قاراعاندى وبلىسى بۇقار جىراۋ اۋدانىنىڭ پوليتسييا باسقارماسىنا ەكٸ اۋىل تۇرعىنى جٷگٸنٸپ, سارايلارىنان 12 قوي مەن جىلقى ۇرلانعاندىعىن ايتقان. مال يەلەرٸنٸڭ ەرقايسىسىنا 600 مىڭ تەڭگە شىعىن كەلتٸرٸلگەن.
جەدەل ەزٸرلەمەنٸڭ نەتيجەسٸندە پوليتسييا قىزمەتكەرلەرٸ مال ۇرلىعىمەن اينالىسقان توپتىڭ ٸزٸنە تٷستٸ. 19 بەن 21 جاس ارالىعىنداعى التى جٸگٸت وڭاي ولجا ٷشٸن وسىنداي قىلمىسقا بارعان. ۇرلانعان تٷلٸكتٸڭ ەتٸن ساتىپ, تٷسكەن اقشانى ٶزارا بٶلٸسكەن.
"تەرتٸپ ساقشىلارى كٷدٸكتٸلەردٸڭ ٷيٸنەن مال تەرٸسٸ مەن بٸر تٸرٸ قويدى تەركٸلەدٸ. تٶرت ادام ۋاقىتشا ۇستاۋ يزولياتورىنا قامالدى.
قازٸرگٸ ۋاقىتتا توپ مٷشەلەرٸنٸڭ باسقا دا وسىعان ۇقساس قىلمىستارعا قاتىسى بار-جوعى تەكسەرٸلٸپ جاتىر. تەرگەۋ ٸس-شارالارى جٷرگٸزٸلۋدە" - دەلٸنگەن حابارلامادا.
