Qaraǵandy oblysy Abai qalasyndaǵy "Ádemi" balabaqshasynyń qyzmetkeri balalardy urdy dep aiyptalyp jatyr. Áleýmettik jelide mektepke deiingi mekeme tárbieshisiniń balalardy shapalaqpen uryp jatqan videosy keńinen taralǵan, - dep habarlaidy Tengrinews.kz tilshisi.
Qaznette qyzý talqyǵa túsken videony taiaq jegen óz balalaryn tanyǵan ata-analardyń biri jariialaǵan. Videonyń mektepke deiingi mekemede ornatylǵan baqylaý kameralarynyń jazbalaryn kórý kezinde kompiýter monitorynan túsirilgenin ańǵarýǵa bolady.
"Búgin kameralardan osy videony kórip, tóbemizden jai túskendei boldy. Oqiǵa Qaraǵandy oblysy Abai qalasyndaǵy "Ádemi" balabaqshasynyń bir tobynda bolǵan", - delingen jazbanyń sipattamasynda.
Qaraǵandy oblysy politsiia departamentiniń baspasóz qyzmeti bul jazbany politsiia óz baqylaýyna alǵanyn aitty.
Abai aýdandyq bilim bólimi de jaǵdaiǵa qatysty pikir bildirdi. Vedomostva "Ádemi" balabaqshasynyń jekemenshik mektepke deiingi mekeme ekenin habarlady.
"2021 jyldyń aqpan aiynda 550 oryndyq jekemenshik balabaqsha ashyldy. Ol bizdiń qaramaǵymyzǵa kirmeidi. Bul derek boiynsha komissiia qurylyp, tekserý qorytyndysy boiynsha qajetti sharalar qabyldanatyn bolady", - dedi bilim basqarmasy.
