قاراعاندى وبلىسى اباي قالاسىنداعى "ەدەمٸ" بالاباقشاسىنىڭ قىزمەتكەرٸ بالالاردى ۇردى دەپ ايىپتالىپ جاتىر. ەلەۋمەتتٸك جەلٸدە مەكتەپكە دەيٸنگٸ مەكەمە تەربيەشٸسٸنٸڭ بالالاردى شاپالاقپەن ۇرىپ جاتقان ۆيدەوسى كەڭٸنەن تارالعان, - دەپ حابارلايدى Tengrinews.kz تٸلشٸسٸ.
قازنەتتە قىزۋ تالقىعا تٷسكەن ۆيدەونى تاياق جەگەن ٶز بالالارىن تانىعان اتا-انالاردىڭ بٸرٸ جارييالاعان. ۆيدەونىڭ مەكتەپكە دەيٸنگٸ مەكەمەدە ورناتىلعان باقىلاۋ كامەرالارىنىڭ جازبالارىن كٶرۋ كەزٸندە كومپيۋتەر مونيتورىنان تٷسٸرٸلگەنٸن اڭعارۋعا بولادى.
"بٷگٸن كامەرالاردان وسى ۆيدەونى كٶرٸپ, تٶبەمٸزدەن جاي تٷسكەندەي بولدى. وقيعا قاراعاندى وبلىسى اباي قالاسىنداعى "ەدەمٸ" بالاباقشاسىنىڭ بٸر توبىندا بولعان", - دەلٸنگەن جازبانىڭ سيپاتتاماسىندا.
قاراعاندى وبلىسى پوليتسييا دەپارتامەنتٸنٸڭ باسپاسٶز قىزمەتٸ بۇل جازبانى پوليتسييا ٶز باقىلاۋىنا العانىن ايتتى.
اباي اۋداندىق بٸلٸم بٶلٸمٸ دە جاعدايعا قاتىستى پٸكٸر بٸلدٸردٸ. ۆەدوموستۆا "ەدەمٸ" بالاباقشاسىنىڭ جەكەمەنشٸك مەكتەپكە دەيٸنگٸ مەكەمە ەكەنٸن حابارلادى.
"2021 جىلدىڭ اقپان ايىندا 550 ورىندىق جەكەمەنشٸك بالاباقشا اشىلدى. ول بٸزدٸڭ قاراماعىمىزعا كٸرمەيدٸ. بۇل دەرەك بويىنشا كوميسسييا قۇرىلىپ, تەكسەرۋ قورىتىندىسى بويىنشا قاجەتتٸ شارالار قابىلداناتىن بولادى", - دەدٸ بٸلٸم باسقارماسى.
