Qostanai oblysynda qar qursaýynda qalyp qoiǵan balyqshylar qutqaryldy, dep habarlaidy "Ult aqparat".
Oblystyq Tótenshe jaǵdailar departamentinen málim etkendei, oqiǵa 14 aqpan kúni Qarasý aýdanyndaǵy Qoibaǵar kóliniń mańynda bolǵan. TJD kezekshi bólimine balyqshylar habarlasyp, Volkswagen Passat markaly jeńil avtokóligi qar qursaýynda qalyp qoiǵanyn aitqan.
«Oqiǵa ornyna joǵary ótimdi «GAZ-66» avtokóligimen Qostanai oblysy TJD bólimshesiniń qutqarýshylary jumyldyryldy. Úsh balyqshy mingen kólik aidynnan birneshe shaqyrym júrip ótkennen keiin, saǵat keshki jetiler shamasynda turyp qalǵan. Qutqarýshylar olardy Qoibaǵar kólinen 5 shaqyrym jerde ornalasqan Vostok aýylyna deiin jetkizdi. Vostok aýylyna kele jatyp, qutqarýshylar jol boiyndaǵy 4 jeńil avtokólikti qar qursaýynan bosatty. Barlyǵy 11 adam qutqaryldy», - deidi TJD-nyń baspasóz hatshysy Ýálihan Dosanov.
Qostanai oblysynyń Tótenshe jaǵdailar departamenti azamattardy meteorologiialyq málimetterdi baqylaýǵa, aýa raiynyń nasharlaýy kezinde eldi mekenderden tys jerlerge shyqpaýǵa shaqyrady.
