قوستاناي وبلىسىندا قار قۇرساۋىندا قالىپ قويعان بالىقشىلار قۇتقارىلدى, دەپ حابارلايدى "ۇلت اقپارات".
وبلىستىق تٶتەنشە جاعدايلار دەپارتامەنتٸنەن مەلٸم ەتكەندەي, وقيعا 14 اقپان كٷنٸ قاراسۋ اۋدانىنداعى قويباعار كٶلٸنٸڭ ماڭىندا بولعان. تجد كەزەكشٸ بٶلٸمٸنە بالىقشىلار حابارلاسىپ, Volkswagen Pاssat ماركالى جەڭٸل اۆتوكٶلٸگٸ قار قۇرساۋىندا قالىپ قويعانىن ايتقان.
«وقيعا ورنىنا جوعارى ٶتٸمدٸ «گاز-66» اۆتوكٶلٸگٸمەن قوستاناي وبلىسى تجد بٶلٸمشەسٸنٸڭ قۇتقارۋشىلارى جۇمىلدىرىلدى. ٷش بالىقشى مٸنگەن كٶلٸك ايدىننان بٸرنەشە شاقىرىم جٷرٸپ ٶتكەننەن كەيٸن, ساعات كەشكٸ جەتٸلەر شاماسىندا تۇرىپ قالعان. قۇتقارۋشىلار ولاردى قويباعار كٶلٸنەن 5 شاقىرىم جەردە ورنالاسقان ۆوستوك اۋىلىنا دەيٸن جەتكٸزدٸ. ۆوستوك اۋىلىنا كەلە جاتىپ, قۇتقارۋشىلار جول بويىنداعى 4 جەڭٸل اۆتوكٶلٸكتٸ قار قۇرساۋىنان بوساتتى. بارلىعى 11 ادام قۇتقارىلدى», - دەيدٸ تجد-نىڭ باسپاسٶز حاتشىسى ۋەليحان دوسانوۆ.
قوستاناي وبلىسىنىڭ تٶتەنشە جاعدايلار دەپارتامەنتٸ ازاماتتاردى مەتەورولوگييالىق مەلٸمەتتەردٸ باقىلاۋعا, اۋا رايىنىڭ ناشارلاۋى كەزٸندە ەلدٸ مەكەندەردەن تىس جەرلەرگە شىقپاۋعا شاقىرادى.
