Qapshaǵai sý qoimasynan bir kúnde alty adam qutqaryldy. Onyń tórteýi katamaranmen serýendep júrip, qatty jelden kóldiń ortasyna ketip qalǵan, dep habarlaidy "Ult aqparat".
«24 maýsym kúni 4 adam eki katamaranmen serýendep júrgende qatty jel olardy jasandy kóldiń ortasyna áketip qalǵan. Abyroi bolǵanda, júzý quraly aýdarylmady. Onyń ústine qaýipsizdik keýdeshesi demalýshylardyń aiaǵynyń astynda bolǵan. Bul tipten qaýipti. Eń bastysy qutqarýshylardyń jedel áreketiniń nátijesinde barlyǵy din aman», - dep málimdedi Almaty oblystyq TJD baspasóz qyzmetinen.
Qutqarýshylardyń málimetinshe, ekinshi jaǵdaida ishimdik iship alǵan er azamat jaǵalaýdan 400 metr jerge júzip ketken. Al úshinshi jaǵdaida skýtermen sýda júrgen er adam jaǵalaýdan 2 shaqyrym alystap, qurylǵysy otalmai qalǵan. Mamandardyń kómegimen barlyq adam jaǵalaýǵa aman-esen jetkizilgen.
Tótenshe jaǵdai qyzmetiniń mamandary sýda qaýipsizdik erejelerin qatań saqtaýdy eskertedi. Iaǵni, aýa raiy qolaisyz kezde sýǵa túspeý kerek.
Aita keteiik, Qapshaǵai sý qoimasynda kúnine 10-ǵa jýyq qutqarýshy adam qaýipsizdigin saqtaý maqsatynda jumys isteidi. Al demalys kúnderi olardyń sany eki ese artady.
