قاپشاعاي سۋ قويماسىنان بٸر كٷندە التى ادام قۇتقارىلدى. ونىڭ تٶرتەۋٸ كاتامارانمەن سەرۋەندەپ جٷرٸپ, قاتتى جەلدەن كٶلدٸڭ ورتاسىنا كەتٸپ قالعان, دەپ حابارلايدى "ۇلت اقپارات".
«24 ماۋسىم كٷنٸ 4 ادام ەكٸ كاتامارانمەن سەرۋەندەپ جٷرگەندە قاتتى جەل ولاردى جاساندى كٶلدٸڭ ورتاسىنا ەكەتٸپ قالعان. ابىروي بولعاندا, جٷزۋ قۇرالى اۋدارىلمادى. ونىڭ ٷستٸنە قاۋٸپسٸزدٸك كەۋدەشەسٸ دەمالۋشىلاردىڭ اياعىنىڭ استىندا بولعان. بۇل تٸپتەن قاۋٸپتٸ. ەڭ باستىسى قۇتقارۋشىلاردىڭ جەدەل ەرەكەتٸنٸڭ نەتيجەسٸندە بارلىعى دٸن امان», - دەپ مەلٸمدەدٸ الماتى وبلىستىق تجد باسپاسٶز قىزمەتٸنەن.
قۇتقارۋشىلاردىڭ مەلٸمەتٸنشە, ەكٸنشٸ جاعدايدا ٸشٸمدٸك ٸشٸپ العان ەر ازامات جاعالاۋدان 400 مەتر جەرگە جٷزٸپ كەتكەن. ال ٷشٸنشٸ جاعدايدا سكۋتەرمەن سۋدا جٷرگەن ەر ادام جاعالاۋدان 2 شاقىرىم الىستاپ, قۇرىلعىسى وتالماي قالعان. مامانداردىڭ كٶمەگٸمەن بارلىق ادام جاعالاۋعا امان-ەسەن جەتكٸزٸلگەن.
تٶتەنشە جاعداي قىزمەتٸنٸڭ ماماندارى سۋدا قاۋٸپسٸزدٸك ەرەجەلەرٸن قاتاڭ ساقتاۋدى ەسكەرتەدٸ. ياعني, اۋا رايى قولايسىز كەزدە سۋعا تٷسپەۋ كەرەك.
ايتا كەتەيٸك, قاپشاعاي سۋ قويماسىندا كٷنٸنە 10-عا جۋىق قۇتقارۋشى ادام قاۋٸپسٸزدٸگٸن ساقتاۋ ماقساتىندا جۇمىس ٸستەيدٸ. ال دەمالىس كٷندەرٸ ولاردىڭ سانى ەكٸ ەسە ارتادى.
