«Qaplanbek» keden beketinde zańsyz taýar alyp ótpek bolǵan Tájikstan azamaty ustaldy, dep habarlady Túrkistan oblysy boiynsha Memlekettik kirister departamentiniń baspasóz qyzmeti.
4 sáýirde Reseiden Tájikstanǵa baǵyttalǵan avtokólikte «Qaplanbek» keden beketinde Túrkistan oblysy MKD-niń qyzmetkerleri QR UQQ qyzmetkerlerimen birlese júrgizgen baqylaý, tekserý jumystary kezinde deklaratsiialanbaǵan orgtehnika taýarlary baryn anyqtaǵan.
Tájikstan azamaty R.T. júk avtokóligimen taýarlardy zańsyz alyp ótpek bolǵan. Nátijesinde jalpy quny 5 mln teńgege jýyq kompiýterdiń jinaqtaýshy bólikteri tárkilendi.
Atalǵan fakt boiynsha ustalǵandar jaýapqa tartyldy.
