«قاپلانبەك» كەدەن بەكەتٸندە زاڭسىز تاۋار الىپ ٶتپەك بولعان تەجٸكستان ازاماتى ۇستالدى, دەپ حابارلادى تٷركٸستان وبلىسى بويىنشا مەملەكەتتٸك كٸرٸستەر دەپارتامەنتٸنٸڭ باسپاسٶز قىزمەتٸ.
4 سەۋٸردە رەسەيدەن تەجٸكستانعا باعىتتالعان اۆتوكٶلٸكتە «قاپلانبەك» كەدەن بەكەتٸندە تٷركٸستان وبلىسى مكد-نٸڭ قىزمەتكەرلەرٸ قر ۇقق قىزمەتكەرلەرٸمەن بٸرلەسە جٷرگٸزگەن باقىلاۋ, تەكسەرۋ جۇمىستارى كەزٸندە دەكلاراتسييالانباعان ورگتەحنيكا تاۋارلارى بارىن انىقتاعان.
تەجٸكستان ازاماتى ر.ت. جٷك اۆتوكٶلٸگٸمەن تاۋارلاردى زاڭسىز الىپ ٶتپەك بولعان. نەتيجەسٸندە جالپى قۇنى 5 ملن تەڭگەگە جۋىق كومپيۋتەردٸڭ جيناقتاۋشى بٶلٸكتەرٸ تەركٸلەندٸ.
اتالعان فاكت بويىنشا ۇستالعاندار جاۋاپقا تارتىلدى.
