QR Premer-Ministriniń orynbasary Eraly Toǵjanov eldegi tártipsizdikter kezinde qaza tapqandardyń jaqyndaryna kóńil aitty, dep habarlaidy QazAqparat.
«Eń aldymen qańtar aiynyń qiyn kezeńinde jaqynynan aiyrylyp qalǵan otandastarymyzdyń otabsylary men aǵaiyn-týǵandaryna kóńil aitamyn. Baýyrlarymyzdyń jatqan jeri jumaq bolsyn, artta qalǵan týystary, el aman bolsyn! Sońǵy bir apta barshamyzǵa beibit kúnniń baǵasyn bildirdi. «El aman, jurt tynysh bolsyn» degen tilektiń máni men maǵynasyn, tereńdigi men qasietin eldiń árbir azamatyna uǵyndyrdy dep oilaimyn. Bul jaǵdai – bir sózben aitqanda biz úshin úlken synaq, ómirlik sabaq ekeni sózsiz», - dedi Toǵjanov Ortalyq kommýnikatsiialar qymzetinde.
Eraly Toǵjanov Memleket basshysy Qasym-Jomart Kemelulynyń kúrdeli kezeńde qabyldaǵan keleli sheshimderiniń arqasynda bul jaǵdaidy ýshyqtyrmai eńsergenimizdi atap ótti.
«Endigi maqsatymyz – qiyndyqty birge eńserip, ótken jaǵdaidyń bárin eskerip, el bolyp jaqsylyq pen jańalyqqa jol bastaý. Sóz joq, ol úshin denimiz saý, basymyz aman bolsyn degimiz keledi», - dedi Toǵjanov.
