قر پرەمەر-مينيسترٸنٸڭ ورىنباسارى ەرالى توعجانوۆ ەلدەگٸ تەرتٸپسٸزدٸكتەر كەزٸندە قازا تاپقانداردىڭ جاقىندارىنا كٶڭٸل ايتتى, دەپ حابارلايدى قازاقپارات.
«ەڭ الدىمەن قاڭتار ايىنىڭ قيىن كەزەڭٸندە جاقىنىنان ايىرىلىپ قالعان وتانداستارىمىزدىڭ وتابسىلارى مەن اعايىن-تۋعاندارىنا كٶڭٸل ايتامىن. باۋىرلارىمىزدىڭ جاتقان جەرٸ جۇماق بولسىن, ارتتا قالعان تۋىستارى, ەل امان بولسىن! سوڭعى بٸر اپتا بارشامىزعا بەيبٸت كٷننٸڭ باعاسىن بٸلدٸردٸ. «ەل امان, جۇرت تىنىش بولسىن» دەگەن تٸلەكتٸڭ مەنٸ مەن ماعىناسىن, تەرەڭدٸگٸ مەن قاسيەتٸن ەلدٸڭ ەربٸر ازاماتىنا ۇعىندىردى دەپ ويلايمىن. بۇل جاعداي – بٸر سٶزبەن ايتقاندا بٸز ٷشٸن ٷلكەن سىناق, ٶمٸرلٸك ساباق ەكەنٸ سٶزسٸز», - دەدٸ توعجانوۆ ورتالىق كوممۋنيكاتسييالار قىمزەتٸندە.
ەرالى توعجانوۆ مەملەكەت باسشىسى قاسىم-جومارت كەمەلۇلىنىڭ كٷردەلٸ كەزەڭدە قابىلداعان كەلەلٸ شەشٸمدەرٸنٸڭ ارقاسىندا بۇل جاعدايدى ۋشىقتىرماي ەڭسەرگەنٸمٸزدٸ اتاپ ٶتتٸ.
«ەندٸگٸ ماقساتىمىز – قيىندىقتى بٸرگە ەڭسەرٸپ, ٶتكەن جاعدايدىڭ بەرٸن ەسكەرٸپ, ەل بولىپ جاقسىلىق پەن جاڭالىققا جول باستاۋ. سٶز جوق, ول ٷشٸن دەنٸمٸز ساۋ, باسىمىز امان بولسىن دەگٸمٸز كەلەدٸ», - دەدٸ توعجانوۆ.
