Foto: Pinterest
Ult.kz-te jihankez jýrnalist Dinara Bolattyń ózge paiymy
Jyl saiyn ata-analardyń aldynda osy mektepte qalamyz ba, álde balany basqa mektepke aýystyramyz ba degen tańdaý turady. Sheshimdi emotsiiamen emes, jan jaqty baǵalaý arqyly qabyldaǵan durys. Aýylda bári turaqty. Mektep sany da az, ár synypta bala da az qamtylǵan. Alaida qalalarda mektepke kelgende tańdaý kóp.
Mundai kezde eń aldymen balanyń mekteptegi kóńil kúiine nazar aýdarý kerek. Mektepke barǵysy kelmei, kóńildi baladan tuiyqtyq baiqalsa bul birinshi belgi. Ásirese, qysym, túsinbeýshilik nemese býlling baiqalsa, ortany ózgertý týraly naqty oilaný kerek.
Bilim sapasy
Kelesi másele bilimniń sapasy. Aqyly mektep, onyń ishinde baǵasy joǵary mekteptiń árqashan bilimi myqty dep sanaý qate pikir. Eger bala tek tapsyrmany oryndap, biraq túsinbei oqysa, óz pikirin aita almasa nemese oqýǵa qyzyǵýshylyǵy tómendei bastasa, bul da dabyl qaǵarlyqtai jaǵdai.
Muǵalimniń róli
Sonymen qatar mekteptegi muǵalimniń róli óte úlken. Muǵalimniń kásibiligi, balaǵa qatynasy onyń mektepke, bilimge qushtarlyǵyn arttyrady. Balamen bailanys ornata alatyn, qoldaityn ustaz - jartylai jeńis. Olai bolmasa oilanarlyq jaǵdai.
Qorshaǵan ortanyń mańyzy
Taǵy bir mańyzdy nárse - orta. Balalar arasyndaǵy qarym-qatynas, synyptaǵy atmosfera, mekteptegi qundylyqtar júiesi. Eger ortada artyq báseke, salystyrý nemese syrtqy kórsetkishterge qarai bóliný kóp bolsa, bala únemi qysym jaǵdaida degen sóz.
Paiym
Mektep aýystyrý qashý emes. Mektep aýystyrý balanyń, ne bolmasa ata-ananyń álsizdigi emes. Eger bul sheshim balanyń ońtaily jaǵdaida joǵarǵy deńgeide ósip, qalyptasýyna jaǵdai jasasa, demek tańdaý bar kezde ýaqtyly iske asyrylǵan sanaly qadam. Al mektepter tarapynan bir bala ketse, ornyna bes bala tabylady degen beiqamdyq emes, sapa arqyly uzaqmerzimdi abyroiǵa jumys istegen abzal.
.jpg)
