Qazaqstandyq boksshy Qanat Islamnyń (27-0,21 KO) ringke oralýy taǵy keiinge qaldyryldy, dep habarlaidy Sports.kz saity.
Buǵan deiin BoxRec.com portaly «Qazaqtyń» kelesi jekpe-jegi 20 aqpan kúni Maiamide (AQSh, Florida shtaty) ótýi belgilengeni jaiynda aqparat bergen. Alaida belgisiz bir sebepterge bailanysty jekpe-jek keiinge shegerilgen.
Buǵan deiin qazaqstandyq boksshy ótken jyldyń 16 qazanynda, Amerikanyń Plant-Siti qalasynda ringke shyǵýy tiis edi, biraq bul kezdesý keiinge qaldyrylǵan bolatyn.
Qanat Islamnyń osy kúnge deiingi sońǵy jekpe jegi 2019 jyldyń 26 qazanynda Almaty qalasynda ótti. Onda ol tóreshilerdiń biraýyzdan qabyldaǵan sheshimimen Namibiia boksshysy Ýolter Kaýtondokvany (18-2, 17 KO) jeńip, orta salmaqta WBO International titýlyn qorǵap qalǵan edi.
