قانات يسلامنىڭ جەكپە-جەگٸ تاعى دا كەيٸنگە شەگەرٸلدٸ

قازاقستاندىق بوكسشى قانات يسلامنىڭ (27-0,21 كو) رينگكە ورالۋى تاعى كەيٸنگە قالدىرىلدى, دەپ حابارلايدى Sports.kz سايتى.

بۇعان دەيٸن BoxRec.com پورتالى «قازاقتىڭ» كەلەسٸ جەكپە-جەگٸ 20 اقپان كٷنٸ ماياميدە (اقش, فلوريدا شتاتى) ٶتۋٸ بەلگٸلەنگەنٸ جايىندا اقپارات بەرگەن. الايدا بەلگٸسٸز بٸر سەبەپتەرگە بايلانىستى جەكپە-جەك كەيٸنگە شەگەرٸلگەن. 

بۇعان دەيٸن قازاقستاندىق بوكسشى ٶتكەن جىلدىڭ 16 قازانىندا, امەريكانىڭ پلانت-سيتي قالاسىندا رينگكە شىعۋى تيٸس ەدٸ, بٸراق بۇل كەزدەسۋ كەيٸنگە قالدىرىلعان بولاتىن. 

قانات يسلامنىڭ وسى كٷنگە دەيٸنگٸ سوڭعى جەكپە جەگٸ 2019 جىلدىڭ 26 قازانىندا الماتى قالاسىندا ٶتتٸ. وندا ول تٶرەشٸلەردٸڭ بٸراۋىزدان قابىلداعان شەشٸمٸمەن ناميبييا بوكسشىسى ۋولتەر كاۋتوندوكۆانى (18-2, 17 كو) جەڭٸپ, ورتا سالماقتا WBO International تيتۋلىن قورعاپ قالعان ەدٸ.