- Atyraý qalasyndaǵy S.Qozybaev atyndaǵy balalar úiine barǵannan keiin telefon arqyly QazAqparat tilshisimen áńgimelesken ataqty kásipqoi boksshy Qanat Islam jetimder sanyn azaitý úshin ózi de bala asyrap alýǵa nietti ekenin jetkizdi.
«Ár qazaqtyń armany - jetimder úiiniń azaiyp, tipti elimizde joǵalýy. Al jetimder úii qashan jabylady? Olar óz-ózinen jabylyp qalmaidy ǵoi? Jetimder úii - sondaǵy búldirshinderi asyrap, baýyryna basyp, ata-ana qamqorlyǵyn syilaǵan kezde joiylady. Elbasy Nursultan Nazarbaevtyń ózi de «qazaq eshqashan jetimin jylatpaǵan el» dep, únemi qaitalap otyrady. Sondyqtan, bolashaqta men de bala asyrap alǵym keledi, qazir soǵan niettimin», - dedi Q.Islam.
Aita keteiik, S.Qozybaev atyndaǵy balalar úiinde júrgen 38 búldirshin úshin Qanat Islammen kezdesý baqyty buiyrdy. Qanat Islam balalar úiine úlken teledidar syilap, árbir balaǵa jeke qoltańbasyn berdi de sýretke túsip shyqty.
Esterińizge sala keteiik, jýyrda ǵana Almatyda ótken boks keshinde Qanat Islam ganalyq Patrik Alloteidi jeńgen bolatyn. Ol WBO tujyrymy boiynsha - qurlyqaralyq, IBO tujyrymy boiynsha halyqaralyq chempion ataǵyn aldy. Ol sondai-aq WBA Fedelatin nusqasy boiynsha Amerika aimaǵy chempiony ataǵyn qorǵap qaldy.
