- اتىراۋ قالاسىنداعى س.قوزىباەۆ اتىنداعى بالالار ٷيٸنە بارعاننان كەيٸن تەلەفون ارقىلى قازاقپارات تٸلشٸسٸمەن ەڭگٸمەلەسكەن اتاقتى كەسٸپقوي بوكسشى قانات يسلام جەتٸمدەر سانىن ازايتۋ ٷشٸن ٶزٸ دە بالا اسىراپ الۋعا نيەتتٸ ەكەنٸن جەتكٸزدٸ.
«ەر قازاقتىڭ ارمانى - جەتٸمدەر ٷيٸنٸڭ ازايىپ, تٸپتٸ ەلٸمٸزدە جوعالۋى. ال جەتٸمدەر ٷيٸ قاشان جابىلادى? ولار ٶز-ٶزٸنەن جابىلىپ قالمايدى عوي? جەتٸمدەر ٷيٸ - سونداعى بٷلدٸرشٸندەرٸ اسىراپ, باۋىرىنا باسىپ, اتا-انا قامقورلىعىن سىيلاعان كەزدە جويىلادى. ەلباسى نۇرسۇلتان نازارباەۆتىڭ ٶزٸ دە «قازاق ەشقاشان جەتٸمٸن جىلاتپاعان ەل» دەپ, ٷنەمٸ قايتالاپ وتىرادى. سوندىقتان, بولاشاقتا مەن دە بالا اسىراپ العىم كەلەدٸ, قازٸر سوعان نيەتتٸمٸن», - دەدٸ ق.يسلام.
ايتا كەتەيٸك, س.قوزىباەۆ اتىنداعى بالالار ٷيٸندە جٷرگەن 38 بٷلدٸرشٸن ٷشٸن قانات يسلاممەن كەزدەسۋ باقىتى بۇيىردى. قانات يسلام بالالار ٷيٸنە ٷلكەن تەلەديدار سىيلاپ, ەربٸر بالاعا جەكە قولتاڭباسىن بەردٸ دە سۋرەتكە تٷسٸپ شىقتى.
ەستەرٸڭٸزگە سالا كەتەيٸك, جۋىردا عانا الماتىدا ٶتكەن بوكس كەشٸندە قانات يسلام گانالىق پاتريك اللوتەيدٸ جەڭگەن بولاتىن. ول WBO تۇجىرىمى بويىنشا - قۇرلىقارالىق, IBO تۇجىرىمى بويىنشا حالىقارالىق چەمپيون اتاعىن الدى. ول سونداي-اق WBA Fedelatin نۇسقاسى بويىنشا امەريكا ايماعى چەمپيونى اتاعىن قورعاپ قالدى.
