Kanadalyq boksshy Brendon Kýk (18-0, 11 KO) aldaǵy jekpe-jekke qatysty óz oiyn bildirdi, dep xabarlaidy Ult.kz tilshisi QazAqparat agenttigine silteme jasap.
Aita ketken jón, Qanat Islam men Brendon Kýk arasyndaǵy jekpe-jek 9 qyrkúiekte ótedi. Kanadalyq boksshy Astanaǵa on kún buryn kelemin dep otyr. Osy ýaqyt aralyǵynda ol jergilikti klimatqa beiimdelýdi kózdeidi.
"Islam - jaqsy boksshy. 2008 jylǵy Beijiń Olimpiadasynda qola júldeni de ielengenin jaqsy bilemiz. Alaida ol men siiaqty "Jaman jigitpen" (Bad boy - Kýktyń laqap aty) áli kezdespegen. Meniń soqqym dittegen jerine jetkende ol osyny túsine bastaidy. Sol kezde soǵys bastalady! Sondai-aq, men Islamnyń Gennadii Golovkinmen birge túsken fotosyn da kórdim. Onyń Saýl Alvarespen kezdesýdi josparlaǵanyn da bilemin. Alaida osy joly "Kanelo" GGG judyryqtasatyn boldy. Men bilemin, orystar boks áleminde úzdikterdiń qataryna kiredi. Alaida ol - adam, men de adammyn. Qanat meniń qalai daiyndalyp jatqanymdy bilmeidi. Sol sebepti ol jaqqa barǵanda jeńisti qoldan bere salmaimyn. Ony jeńsem, úzdik ondyqqa kiremin", - deidi Kýk.
Budan bólek, kanadalyq boksshy Islamnyń burynǵy qarsylastary osal boldy dep sanaidy. Osy oraida ol da Qanattyń kásibi bokstaǵy alǵashqy qarsylasy - Deniel Bitony (1-25) eske aldy. "Mende ondai qarsylastar bolǵan joq. Islam men siiaqty opponenttermen áli kezdespedi", - dep atap kórsetti Kýk.
Aita keteiik, kúni keshe Qanat Islam Astanaǵa ushyp keldi. Aldaǵy jekpe-jekke deiin ol elordada jattyǵady.
