كانادالىق بوكسشى برەندون كۋك (18-0, 11 كو) الداعى جەكپە-جەككە قاتىستى ٶز ويىن بٸلدٸردٸ, دەپ xابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
ايتا كەتكەن جٶن, قانات يسلام مەن برەندون كۋك اراسىنداعى جەكپە-جەك 9 قىركٷيەكتە ٶتەدٸ. كانادالىق بوكسشى استاناعا ون كٷن بۇرىن كەلەمٸن دەپ وتىر. وسى ۋاقىت ارالىعىندا ول جەرگٸلٸكتٸ كليماتقا بەيٸمدەلۋدٸ كٶزدەيدٸ.
"يسلام - جاقسى بوكسشى. 2008 جىلعى بەيجٸڭ وليمپياداسىندا قولا جٷلدەنٸ دە يەلەنگەنٸن جاقسى بٸلەمٸز. الايدا ول مەن سيياقتى "جامان جٸگٸتپەن" (Bad boy - كۋكتىڭ لاقاپ اتى) ەلٸ كەزدەسپەگەن. مەنٸڭ سوققىم دٸتتەگەن جەرٸنە جەتكەندە ول وسىنى تٷسٸنە باستايدى. سول كەزدە سوعىس باستالادى! سونداي-اق, مەن يسلامنىڭ گەنناديي گولوۆكينمەن بٸرگە تٷسكەن فوتوسىن دا كٶردٸم. ونىڭ ساۋل الۆارەسپەن كەزدەسۋدٸ جوسپارلاعانىن دا بٸلەمٸن. الايدا وسى جولى "كانەلو" GGG جۇدىرىقتاساتىن بولدى. مەن بٸلەمٸن, ورىستار بوكس ەلەمٸندە ٷزدٸكتەردٸڭ قاتارىنا كٸرەدٸ. الايدا ول - ادام, مەن دە اداممىن. قانات مەنٸڭ قالاي دايىندالىپ جاتقانىمدى بٸلمەيدٸ. سول سەبەپتٸ ول جاققا بارعاندا جەڭٸستٸ قولدان بەرە سالمايمىن. ونى جەڭسەم, ٷزدٸك وندىققا كٸرەمٸن", - دەيدٸ كۋك.
بۇدان بٶلەك, كانادالىق بوكسشى يسلامنىڭ بۇرىنعى قارسىلاستارى وسال بولدى دەپ سانايدى. وسى ورايدا ول دا قاناتتىڭ كەسٸبي بوكستاعى العاشقى قارسىلاسى - دەنيەل بيتونى (1-25) ەسكە الدى. "مەندە ونداي قارسىلاستار بولعان جوق. يسلام مەن سيياقتى وپپونەنتتەرمەن ەلٸ كەزدەسپەدٸ", - دەپ اتاپ كٶرسەتتٸ كۋك.
ايتا كەتەيٸك, كٷنٸ كەشە قانات يسلام استاناعا ۇشىپ كەلدٸ. الداعى جەكپە-جەككە دەيٸن ول ەلوردادا جاتتىعادى.
