Kabýldaǵy Intercontinental qonaq úiine jasalǵan shabýyldan 1978 jyly týǵan Qazaqstan azamaty mert bolǵan. Bul týraly Qazaqstan Cyrtqy ister ministrliginiń resmi ókili Ánýar Jainaqov Facebook paraqshasynda habarlady.
"Aýǵanstannan sýyt habar jetti. Kabýldaǵy Intercontinental qonaq úiine jasalǵan shabýyldan 1978 jyly týǵan Qazaqstan azamaty qaza tapty. Jaqyndaryna qaiǵyryp kóńil aitamyz. Qazaqstan syrtqy ister ministrligi marqumnyń denesin elge ákelý jaǵyn uiymdastyrady" delingen habarlamada.
Kabýl politsiiasynyń habarlaýynsha, shabýyldan kem degende 18 adam mert bolǵan. Olardyń arasynda toǵyz Ýkraina azamaty, bir Germaniia, bir Grekiia azamaty da bar. Mert bolǵandardyń sany budan da kóp bolýy múmkin.
Aýǵanstan ishki ister ministrligi 21 qańtarda Kabýldaǵy Intercontinental qonaq úiindegi áskeri operatsiia aiaqtalyp, úsh sodyrdyń kózi joiylǵanyn habarlaǵan. 12 saǵattyq operatsiia kezinde qonaq úiden 150 astam adam qutqarylǵan. Olardyń qyryqqa jýyǵy - sheteldikter.
Esterińizge sala keteiik, 20 qańtarda Kabýldaǵy eń iri qonaq úidi birneshe qarýly adam basyp alǵany habarlanǵan. Al "Taliban" uiymy shabýyldy bes adam uiymdastyrǵanyn aitty.
