كابۋلداعى Intercontinental قوناق ٷيٸنە جاسالعان شابۋىلدان 1978 جىلى تۋعان قازاقستان ازاماتى مەرت بولعان. بۇل تۋرالى قازاقستان Cىرتقى ٸستەر مينيسترلٸگٸنٸڭ رەسمي ٶكٸلٸ ەنۋار جايناقوۆ Facebook پاراقشاسىندا حابارلادى.
"اۋعانستاننان سۋىت حابار جەتتٸ. كابۋلداعى Intercontinental قوناق ٷيٸنە جاسالعان شابۋىلدان 1978 جىلى تۋعان قازاقستان ازاماتى قازا تاپتى. جاقىندارىنا قايعىرىپ كٶڭٸل ايتامىز. قازاقستان سىرتقى ٸستەر مينيسترلٸگٸ مارقۇمنىڭ دەنەسٸن ەلگە ەكەلۋ جاعىن ۇيىمداستىرادى" دەلٸنگەن حابارلامادا.
كابۋل پوليتسيياسىنىڭ حابارلاۋىنشا, شابۋىلدان كەم دەگەندە 18 ادام مەرت بولعان. ولاردىڭ اراسىندا توعىز ۋكراينا ازاماتى, بٸر گەرمانييا, بٸر گرەكييا ازاماتى دا بار. مەرت بولعانداردىڭ سانى بۇدان دا كٶپ بولۋى مٷمكٸن.
اۋعانستان ٸشكٸ ٸستەر مينيسترلٸگٸ 21 قاڭتاردا كابۋلداعى Intercontinental قوناق ٷيٸندەگٸ ەسكەري وپەراتسييا اياقتالىپ, ٷش سودىردىڭ كٶزٸ جويىلعانىن حابارلاعان. 12 ساعاتتىق وپەراتسييا كەزٸندە قوناق ٷيدەن 150 استام ادام قۇتقارىلعان. ولاردىڭ قىرىققا جۋىعى - شەتەلدٸكتەر.
ەستەرٸڭٸزگە سالا كەتەيٸك, 20 قاڭتاردا كابۋلداعى ەڭ ٸرٸ قوناق ٷيدٸ بٸرنەشە قارۋلى ادام باسىپ العانى حابارلانعان. ال "تاليبان" ۇيىمى شابۋىلدى بەس ادام ۇيىمداستىرعانىن ايتتى.
