Takfirit birden qolyna qarý alyp takfirit bolyp ketpeidi. Alǵashqyda «ýmerennyi» bolady, sosyn radikalǵa ótedi. Áýeli minezi ózgeredi, qoǵamǵa degen kózqarasy ainidy. Ainalasynyń bári shirk jasap, bidǵat pen kúnáǵa belsheden batyp júrgen tozaqtyq jandar bolyp elesteidi. Qoǵammen túsinise almaǵan jan, ózin únemi bóten sezinedi. Ainala bitkenniń bárin dushpan sanaidy. Áýeli dos-jaran, tanystarynan, keiinnen týystarynan airylady. Bara-bara keń dúnie tarylyp, qara túnekke ainalady. Ómir súrý qiyndai beredi. El qatarly jumysqa turyp, onda turaqtap jumys istei almaidy. Bolashaǵy joq. Endi ne isteidi? Budan shyǵar jol ne? Tezirek ketý. Qaida? Jumaqqa. Ońaiy osy dep oilaidy.
Takfiritterdiń kóbisiniń alǵashqyda ýmerennyimyz dep júrgen elge tanymal sáláfi ýaǵyzshylarynyń shákirti bolǵandyǵy aitylyp júr. Bul jai syldyr sý aqparat emes dep oilaimyn. Aqida, negizgi dini kózqarastary men bidǵat, shirk, taýhid túsinikteri, oqityn negizgi ádebietteri birdei bolǵandyqtan, radikalnyidyń ýmerennyiǵa, ýmerennyidyń radikalǵa ótip ketýi tabiǵi qubylys. Qai jaǵynyń ýaǵyzy pármendi bolsa, sol jaqqa ótip kete beredi. Óitkeni ekeýi de aǵaiyndy egiz ideologiia. Olardy dúniege ákelgen áke-sheshesi bir.
Men osyǵan deiin de aitatyn ýájderimdi aittym. Qalǵanyn tiisti mekemeler shesher.
