تاكفيريت بٸردەن قولىنا قارۋ الىپ تاكفيريت بولىپ كەتپەيدٸ. العاشقىدا «ۋمەرەننىي» بولادى, سوسىن راديكالعا ٶتەدٸ. ەۋەلٸ مٸنەزٸ ٶزگەرەدٸ, قوعامعا دەگەن كٶزقاراسى اينيدى. اينالاسىنىڭ بەرٸ شيرك جاساپ, بيدعات پەن كٷنەعا بەلشەدەن باتىپ جٷرگەن توزاقتىق جاندار بولىپ ەلەستەيدٸ. قوعاممەن تٷسٸنٸسە الماعان جان, ٶزٸن ٷنەمٸ بٶتەن سەزٸنەدٸ. اينالا بٸتكەننٸڭ بەرٸن دۇشپان سانايدى. ەۋەلٸ دوس-جاران, تانىستارىنان, كەيٸننەن تۋىستارىنان ايرىلادى. بارا-بارا كەڭ دٷنيە تارىلىپ, قارا تٷنەككە اينالادى. ٶمٸر سٷرۋ قيىنداي بەرەدٸ. ەل قاتارلى جۇمىسقا تۇرىپ, وندا تۇراقتاپ جۇمىس ٸستەي المايدى. بولاشاعى جوق. ەندٸ نە ٸستەيدٸ? بۇدان شىعار جول نە? تەزٸرەك كەتۋ. قايدا? جۇماققا. وڭايى وسى دەپ ويلايدى.
تاكفيريتتەردٸڭ كٶبٸسٸنٸڭ العاشقىدا ۋمەرەننىيمىز دەپ جٷرگەن ەلگە تانىمال سەلەفي ۋاعىزشىلارىنىڭ شەكٸرتٸ بولعاندىعى ايتىلىپ جٷر. بۇل جاي سىلدىر سۋ اقپارات ەمەس دەپ ويلايمىن. اقيدا, نەگٸزگٸ دٸني كٶزقاراستارى مەن بيدعات, شيرك, تاۋحيد تٷسٸنٸكتەرٸ, وقيتىن نەگٸزگٸ ەدەبيەتتەرٸ بٸردەي بولعاندىقتان, راديكالنىيدىڭ ۋمەرەننىيعا, ۋمەرەننىيدىڭ راديكالعا ٶتٸپ كەتۋٸ تابيعي قۇبىلىس. قاي جاعىنىڭ ۋاعىزى پەرمەندٸ بولسا, سول جاققا ٶتٸپ كەتە بەرەدٸ. ٶيتكەنٸ ەكەۋٸ دە اعايىندى ەگٸز يدەولوگييا. ولاردى دٷنيەگە ەكەلگەن ەكە-شەشەسٸ بٸر.
مەن وسىعان دەيٸن دە ايتاتىن ۋەجدەرٸمدٸ ايتتىم. قالعانىن تيٸستٸ مەكەمەلەر شەشەر.
