Muqtaj otbasylar Nursultan Nazarbaevtyń bastamasymen qurylǵan «Birgemiz» qoǵamdyq qorynan tegin maskalar alady. Birneshe kúnniń ishinde «Jas Otan» eriktileri Nur-Sultan, Almaty jáne Shymkent qalalarynda 100 myńnan astam otbasyna jeke qorǵanys quraldaryn jetkizedi, dep habarlaidy "Ult aqparat" Nur Otan partiiasynyń baspasóz qyzmetine silteme jasap.
Ótken túnde eriktiler 5 million maskany aldyn ala orap daiyndady. Búginde olar maskalardy turǵyndardyń álsiz toptaryna, sonyń ishinde jalǵyzbasty qarttarǵa, kópbalaly jáne az qamtylǵan otbasylarǵa, jetim balalarǵa, ardagerlerge, erekshe qajettilikteri bar jáne t.b. azamattarǵa jetkizýdi bastap ketti.
Sonymen qatar, kúni keshe Nursultan Nazarbaev muqtaj adamdarǵa tikelei ataýly kómek kórsetýdiń ekinshi tolqyny bastalatynyn aitty. Buǵan deiin Elbasynyń tapsyrmasymen «Birgemiz» qorynan 152 myńnan astam otbasyna 50 myń teńge kóleminde birjolǵy kómek kórsetildi. Endi jinalǵan qarajattyń aiasynda taǵy da 200 myńnan astam turmysy tómen otbasyn qamtý josparlanyp otyr. Otbasylyq koeffitsienti esepke ala otyryp, shamamen 1 million adamǵa kómek kórsetiledi dep kútilýde.
Sondai-aq, ekinshi tolqyn kezinde muqtajdardy múmkindiginshe kóbirek qamtý maqsatynda buryn kómek almaǵan otbasylarǵa basymdyq beriledi. Jýyq arada oblys ákimderi men áleýmettik qorǵaý organdary kómek alýshylardyń tiisti tizimderin ázirleidi. Kómek kórsetý merzimi - mamyr aiynyń basy.
Nur Otan partiiasynyń jastar qanaty azyq-túlik jiyntyqtaryn jetkizý jumystaryn kúsheitti. Al «Jas Otan» eriktileri buǵan deiin búkil el boiynsha 56 myń muqtaj otbasyǵa kómek kórsetken bolatyn.
.jpeg)