مۇقتاج وتباسىلار نۇرسۇلتان نازارباەۆتىڭ باستاماسىمەن قۇرىلعان «Birgemiz» قوعامدىق قورىنان تەگٸن ماسكالار الادى. بٸرنەشە كٷننٸڭ ٸشٸندە «Jas Otan» ەرٸكتٸلەرٸ نۇر-سۇلتان, الماتى جەنە شىمكەنت قالالارىندا 100 مىڭنان استام وتباسىنا جەكە قورعانىس قۇرالدارىن جەتكٸزەدٸ, دەپ حابارلايدى "ۇلت اقپارات" Nur Otan پارتيياسىنىڭ باسپاسٶز قىزمەتٸنە سٸلتەمە جاساپ.
ٶتكەن تٷندە ەرٸكتٸلەر 5 ميلليون ماسكانى الدىن الا وراپ دايىندادى. بٷگٸندە ولار ماسكالاردى تۇرعىنداردىڭ ەلسٸز توپتارىنا, سونىڭ ٸشٸندە جالعىزباستى قارتتارعا, كٶپبالالى جەنە از قامتىلعان وتباسىلارعا, جەتٸم بالالارعا, ارداگەرلەرگە, ەرەكشە قاجەتتٸلٸكتەرٸ بار جەنە ت.ب. ازاماتتارعا جەتكٸزۋدٸ باستاپ كەتتٸ.
سونىمەن قاتار, كٷنٸ كەشە نۇرسۇلتان نازارباەۆ مۇقتاج ادامدارعا تٸكەلەي اتاۋلى كٶمەك كٶرسەتۋدٸڭ ەكٸنشٸ تولقىنى باستالاتىنىن ايتتى. بۇعان دەيٸن ەلباسىنىڭ تاپسىرماسىمەن «Birgemiz» قورىنان 152 مىڭنان استام وتباسىنا 50 مىڭ تەڭگە كٶلەمٸندە بٸرجولعى كٶمەك كٶرسەتٸلدٸ. ەندٸ جينالعان قاراجاتتىڭ اياسىندا تاعى دا 200 مىڭنان استام تۇرمىسى تٶمەن وتباسىن قامتۋ جوسپارلانىپ وتىر. وتباسىلىق كوەففيتسيەنتٸ ەسەپكە الا وتىرىپ, شامامەن 1 ميلليون ادامعا كٶمەك كٶرسەتٸلەدٸ دەپ كٷتٸلۋدە.
سونداي-اق, ەكٸنشٸ تولقىن كەزٸندە مۇقتاجداردى مٷمكٸندٸگٸنشە كٶبٸرەك قامتۋ ماقساتىندا بۇرىن كٶمەك الماعان وتباسىلارعا باسىمدىق بەرٸلەدٸ. جۋىق ارادا وبلىس ەكٸمدەرٸ مەن ەلەۋمەتتٸك قورعاۋ ورگاندارى كٶمەك الۋشىلاردىڭ تيٸستٸ تٸزٸمدەرٸن ەزٸرلەيدٸ. كٶمەك كٶرسەتۋ مەرزٸمٸ - مامىر ايىنىڭ باسى.
Nur Otan پارتيياسىنىڭ جاستار قاناتى ازىق-تٷلٸك جيىنتىقتارىن جەتكٸزۋ جۇمىستارىن كٷشەيتتٸ. ال «Jas Otan» ەرٸكتٸلەرٸ بۇعان دەيٸن بٷكٸل ەل بويىنشا 56 مىڭ مۇقتاج وتباسىعا كٶمەك كٶرسەتكەن بولاتىن.
.jpeg)