Izmirdegi jer silkinisi qurbandarynyń sany 25-ke jetti, Túrkiianyń batysyndaǵy 804 turǵyn zardap shekti, dep jazady AA.com saity.
Bul týraly Túrkiia úkimeti janyndaǵy tótenshe jaǵdailardyń aldyn alý jáne joiý basqarmasy (AFAD) habarlady.
AFAD málimetteri boiynsha, kúshti jer silkinisinen keiin 6.6 magnitýdalyq 341 álsiz soqqy boldy, kúshi 4 balldan asady.
«Izmir qalasynda 743 turǵyn zardap shekti, beseýi Manis provintsiiasynda, ekeýi Balykesirde jáne Aidyn provintsiiasynda 54 adam, barlyǵy - 804 adam», – dep habarlady AFAD.
Qiraǵan 17 turǵyn úidiń segizinde izdestirý-qutqarý jumystary aiaqtaldy.
Túrkiianyń batysynda juma kúni jergilikti ýaqyt boiynsha 14.51-de 6,6 balldyq jer silkinisi boldy.
Jer silkinisiniń epitsentri Egei teńizinde Izmir provintsiiasynyń Seferhisar aýdanynyń jaǵalaýynda bolǵan.
Jer silkinisiniń oshaǵy 16,5 km tereńdikte ornalasqan.
Búgin atalmysh oqiǵaǵa bailanysty Qazaqstannyń Tuńǵysh Prezidenti Nur-Sultan Nazarbaev Túrkiia basshysyna kóńil aitý jedelhatyn joldady.
Sondai-aq Memleket basshysy Qasym-Jomart Toqaev Qazaqstannyń Túrkiiadaǵy jer silkinisinen zardap shekkenderge kómektesýge daiyn ekenin málim etti.
