Sonyń ishinde 10 kabinet Aqtóbe qalasynda, taǵy 5 kabinet Semeide ashylmaq. Nátijesinde eki qalada 800-den astam bala inkliýzivti bilimmen qamtylady. Qazirgi ýaqytta mektepterde qurylys-jóndeý jumystary bastalyp ketti, dep habarlaidy ult.kz.
Kabinetterdi jóndeý jáne jabdyqtaý jumystaryna, sondai-aq mamandardy oqytýǵa 524 mln teńge baǵyttalady. Onyń 271 mln teńgesi 3 mamyr kúni Astanada ótken IV Charity Samruk Marathon sharasynyń qatysýshylary men seriktesteriniń arqasynda jinaldy. Qalǵan qarajat «Samruk-Kazyna Trust» qorynyń biýdjetinen bólinedi.
Kabinetter SK Trust uiymynyń inkliýzivti bilim berý salasyndaǵy sarapshylarmen birlesip ázirlegen jańa tujyrymdamasyna sai daiyndalady. Open space formatyndaǵy alańdarda defektolog, logoped jáne psiholog mamandarynyń jumys aimaqtary, sondai-aq balalardyń shyǵarmashylyq qabiletterin damytýǵa arnalǵan qysh sheberhanasy bolady.
Budan bólek, zamanaýi sporttyq qural-jabdyqtar ornatylǵan emdik dene shynyqtyrý kabineti qarastyrylǵan. Ár kabinettiń aýmaǵy - keminde 60 sharshy metr. Sonymen qatar, jyl boiy pedagog jáne beiindi mamandar oqýdan ótip, biliktilikterin arttyryp otyrady.
Qazirgi tańda «Samuryq-Qazyna» kompaniialary tobynyń qoldaýymen 31 inkliýziia kabineti jumys istep tur: onyń 21-i Astanada, 5 kabinetten Aqmola jáne Atyraý oblystarynda ashylǵan. Bul kabinetterde erekshe qajettilikteri bar 2 myńnan astam oqýshy bilim alady.
