Almatyda esirtki qylmystaryn anyqtaýǵa kómektesken kýrer quqyq qorǵaý organdary tarapynan marapattaldy, dep habarlaidy Ult.kz.
Megapolis turǵyny birneshe ret Esirtki qylmysyna qarsy is-qimyl basqarmasyna yqtimal quqyq buzýshylyqtar týraly aqparat bergen. Quqyq qorǵaý organdarynyń málimetinshe, onyń habarlamalarynyń bir bóligi rastalyp, jedel-izdestirý sharalaryn júrgizýge negiz bolǵan.
Esirtki qylmystarymen kúreske qosqan úlesi úshin azamatqa Qurmet gramotasy men alǵys hat tabystaldy. Sonymen qatar Almaty qalalyq quqyq buzýshylyqtardyń aldyn alý jónindegi keńes ókilderi oǵan iPhone 17 smartfony men 1 million teńge kóleminde aqshalai syiaqy berdi.
Qaýipsizdik maqsatynda marapattalǵan azamattyń jeke basyna qatysty málimetter jariialanǵan joq. Quqyq qorǵaý organdary onyń aty-jónin, fotosýretin jáne tulǵasyn anyqtaýǵa múmkindik beretin ózge de aqparattardy jariialamaý týraly sheshim qabyldaǵan.
Vedomstvo ókilderi azamattardyń quqyq qorǵaý organdarymen yntymaqtastyǵy qoǵam qaýipsizdigin qamtamasyz etýge jáne zańsyz esirtki ainalymymen kúreske mańyzdy úles qosatynyn atap ótti.
