الماتىدا ەسٸرتكٸ قىلمىستارىن انىقتاۋعا كٶمەكتەسكەن كۋرەر قۇقىق قورعاۋ ورگاندارى تاراپىنان ماراپاتتالدى, دەپ حابارلايدى Ult.kz.
مەگاپوليس تۇرعىنى بٸرنەشە رەت ەسٸرتكٸ قىلمىسىنا قارسى ٸس-قيمىل باسقارماسىنا ىقتيمال قۇقىق بۇزۋشىلىقتار تۋرالى اقپارات بەرگەن. قۇقىق قورعاۋ ورگاندارىنىڭ مەلٸمەتٸنشە, ونىڭ حابارلامالارىنىڭ بٸر بٶلٸگٸ راستالىپ, جەدەل-ٸزدەستٸرۋ شارالارىن جٷرگٸزۋگە نەگٸز بولعان.
ەسٸرتكٸ قىلمىستارىمەن كٷرەسكە قوسقان ٷلەسٸ ٷشٸن ازاماتقا قۇرمەت گراموتاسى مەن العىس حات تابىستالدى. سونىمەن قاتار الماتى قالالىق قۇقىق بۇزۋشىلىقتاردىڭ الدىن الۋ جٶنٸندەگٸ كەڭەس ٶكٸلدەرٸ وعان iPhone 17 سمارتفونى مەن 1 ميلليون تەڭگە كٶلەمٸندە اقشالاي سىياقى بەردٸ.
قاۋٸپسٸزدٸك ماقساتىندا ماراپاتتالعان ازاماتتىڭ جەكە باسىنا قاتىستى مەلٸمەتتەر جارييالانعان جوق. قۇقىق قورعاۋ ورگاندارى ونىڭ اتى-جٶنٸن, فوتوسۋرەتٸن جەنە تۇلعاسىن انىقتاۋعا مٷمكٸندٸك بەرەتٸن ٶزگە دە اقپاراتتاردى جارييالاماۋ تۋرالى شەشٸم قابىلداعان.
ۆەدومستۆو ٶكٸلدەرٸ ازاماتتاردىڭ قۇقىق قورعاۋ ورگاندارىمەن ىنتىماقتاستىعى قوعام قاۋٸپسٸزدٸگٸن قامتاماسىز ەتۋگە جەنە زاڭسىز ەسٸرتكٸ اينالىمىمەن كٷرەسكە ماڭىزدى ٷلەس قوساتىنىن اتاپ ٶتتٸ.
