Úkimet otyrysynda Premer-ministr Oljas Bektenov Prezident tapsyrmalaryn júzege asyrý aiasynda otandyq taýar óndirýshilerdi damytýǵa jáne olardyń básekege qabilettiligin nyǵaitýǵa qajetti tetikter qalyptastyrylǵanyn atap ótti, dep habarlaidy ult.kz.
«Memlekettik qoldaý sharalaryna jedel qol jetkizip, taýarlardyń jergilikti shyǵý tegin rastaý maqsatynda Otandyq óndirýshiler tizilimi jasaldy. Ol memlekettik jáne kvazimemlekettik satyp alý rásimderi kezinde adal kásipkerlerge basymdyq berilýin qamtamasyz etedi. Biyl iske qosylǵan Ulttyq taýarlar katalogi taýarlardy naqty ýaqyt rejiminde qadaǵalaýǵa múmkindik beretin biryńǵai tsifrlyq júieniń negizin qalady. Qabyldanyp jatqan sharalardyń barlyǵy básekege qabiletti otandyq óndiristi qurýǵa jáne damytýǵa baǵyttalǵan», — dep atap ótti Oljas Bektenov.
Qabyldanyp jatqan memlekettik qoldaý sharalary halyqaralyq tájiribege sáikes keletini jáne qazirdiń ózinde naqty nátijesin berip jatqany basa aityldy.
«Sýbsidiialardan bastap, taýarlardy álemdik naryqqa ilgeriletýge deiingi mundai tásildi álemniń barlyq damyǵan ekonomikalary qoldanady.
Biz de osy saiasatty ustanamyz. Óitkeni onyń naqty nátijesin kórip otyrmyz. Atap aitqanda, Qazaqstan búginde ishki naryqty negizgi azyq-túlik taýarlarymen tolyq qamtamasyz etedi. Birinshi jartyjyldyqta óndiris kólemi shamamen 10%-ǵa ósti», — dedi Premer-ministr.
