Ulttyq banktiń aqsha-kredit saiasaty departamentiniń direktory Jandos Shaimardanov qazan aiyndaǵy iskerlik belsendilik indeksi týraly aityp berdi, dep habarlaidy "Ult aqparat".
Iskerlik belsendilik indeksi qazan aiynda birshama ósip, 48,8-ge deiin taǵy 1,2 tarmaqqa jaqsara tústi.
«Iskerlik belsendiliktiń eń kóp ósýi ónerkásip salasynda baiqaldy.Munda indeks qyrkúiektegi 47,8-den 49,6-ǵa deiin ósti. Qyzmet kórsetý salasynda indeks 48,6-ǵa deiin 1,3 tarmaqqa kóterildi. Qurylysta kórsetkish jańa tapsyrystar sanynyń tómendeýine bailanysty 47,6-ǵa deiin – 1,5 tarmaqqa tómendedi. Ótken aida óńirler arasynda Almaty, Pavlodar jáne Mańǵystaý oblystarynda iskerlik belsendilik indeksiniń aitarlyqtai jaqsarǵany baiqaldy. Ózgelerge qaraǵanda Shymkentte indeks edáýir tómendedi»,– deidi Jandos Shaimardanov.
Qazanda biznes ahýalynyń indeksi qyrkúiektegi oń aimaqqa ótkennen keiin qaitadan quldyrap, 0,0 boldy (osy jylǵy qyrkúieqte – (2,0). Respondentter biylǵy qarashada bolashaq biznes ahýaldyń qazandaǵy 4,5-ten 2,3 deiin nasharlai túsetinin boljap otyr.
«Iskerlik belsendilik indeksi kásiporyndardyń qazirgi kórsetkishteri men olardyń bolashaqtaǵy ózgeristeri boiynsha negizdelip, sol jaiyndaǵy pikirlerge sai qalyptasady. Qazanda saýalanamaǵa 451 kásiporyn qatysty: qyzmet kórsetý salasynda – 217, ónerkásip salasynda – 170, qurylys salasynda – 64»,– dep qortyndylady Ulttyq bank ókili.
