ۇلتتىق بانكتٸڭ اقشا-كرەديت ساياساتى دەپارتامەنتٸنٸڭ ديرەكتورى جاندوس شايماردانوۆ قازان ايىنداعى ٸسكەرلٸك بەلسەندٸلٸك يندەكسٸ تۋرالى ايتىپ بەردٸ, دەپ حابارلايدى "ۇلت اقپارات".
ٸسكەرلٸك بەلسەندٸلٸك يندەكسٸ قازان ايىندا بٸرشاما ٶسٸپ, 48,8-گە دەيٸن تاعى 1,2 تارماققا جاقسارا تٷستٸ.
«ٸسكەرلٸك بەلسەندٸلٸكتٸڭ ەڭ كٶپ ٶسۋٸ ٶنەركەسٸپ سالاسىندا بايقالدى.مۇندا يندەكس قىركٷيەكتەگٸ 47,8-دەن 49,6-عا دەيٸن ٶستٸ. قىزمەت كٶرسەتۋ سالاسىندا يندەكس 48,6-عا دەيٸن 1,3 تارماققا كٶتەرٸلدٸ. قۇرىلىستا كٶرسەتكٸش جاڭا تاپسىرىستار سانىنىڭ تٶمەندەۋٸنە بايلانىستى 47,6-عا دەيٸن – 1,5 تارماققا تٶمەندەدٸ. ٶتكەن ايدا ٶڭٸرلەر اراسىندا الماتى, پاۆلودار جەنە ماڭعىستاۋ وبلىستارىندا ٸسكەرلٸك بەلسەندٸلٸك يندەكسٸنٸڭ ايتارلىقتاي جاقسارعانى بايقالدى. ٶزگەلەرگە قاراعاندا شىمكەنتتە يندەكس ەدەۋٸر تٶمەندەدٸ»,– دەيدٸ جاندوس شايماردانوۆ.
قازاندا بيزنەس احۋالىنىڭ يندەكسٸ قىركٷيەكتەگٸ وڭ ايماققا ٶتكەننەن كەيٸن قايتادان قۇلدىراپ, 0,0 بولدى (وسى جىلعى قىركٷيەقتە – (2,0). رەسپوندەنتتەر بيىلعى قاراشادا بولاشاق بيزنەس احۋالدىڭ قازانداعى 4,5-تەن 2,3 دەيٸن ناشارلاي تٷسەتٸنٸن بولجاپ وتىر.
«ٸسكەرلٸك بەلسەندٸلٸك يندەكسٸ كەسٸپورىنداردىڭ قازٸرگٸ كٶرسەتكٸشتەرٸ مەن ولاردىڭ بولاشاقتاعى ٶزگەرٸستەرٸ بويىنشا نەگٸزدەلٸپ, سول جايىنداعى پٸكٸرلەرگە ساي قالىپتاسادى. قازاندا ساۋالاناماعا 451 كەسٸپورىن قاتىستى: قىزمەت كٶرسەتۋ سالاسىندا – 217, ٶنەركەسٸپ سالاسىندا – 170, قۇرىلىس سالاسىندا – 64»,– دەپ قورتىندىلادى ۇلتتىق بانك ٶكٸلٸ.
