Foto: Dikushin Dmitry / Shutterstock / FOTODOM
Qazaqstan Ishki ister ministri Erjan Sadenov elimizdegi qylmystyq jaǵdaiǵa áser etetin negizgi faktorlardyń biri — alkogoldi shamadan tys paidalaný ekenin málimdedi. Osyǵan bailanysty ministrlik alkogol ónimderin onlain satýǵa tyiym salýdy usyndy. Bul týraly Stan.kz aqparat agenttigi habarlaidy.
Ministrdiń aitýynsha, keibir kásipkerler tabys tabý maqsatynda spirttik ishimdikterdi satý kezinde jas jáne ýaqyt shekteýlerin elemeidi. Mysaly, táýlik boiy jumys isteitin kafe men barlardyń atyn jamylyp satady.
"Qazir onlain jetkizý keńinen qoldanylady. Al litsenziiadan aiyrý sharasy tiimdi emes, óitkeni kelesi kúni ony basqa tulǵaǵa qaita rásimdep alýǵa bolady", - dedi Erjan Sadenov Májilistegi Úkimet saǵaty barysynda.
IIM osyǵan bailanysty alkogol ónimderin tek arnaiy dúkenderde — alkomarketterde satýdy, litsenziia berýge qoiylatyn talaptardy qatańdatý jáne olardyń sanyn shekteýdi, oiyn-saýyq oryndarynda spirttik ishimdik satý ýaqytyn qysqartýdy usyndy.
"Mundai oryndarda mas kúiinde 1400-den astam qylmys, sonyń ishinde úsh kisi óltirý faktisi tirkelgen. Ókinishke qarai, keibir memlekettik organdar bul usynystardy qoldap otyrǵan joq. Degenmen, biz eń aldymen azamattardyń ómiri men densaýlyǵyn saqtaý múddesin basshylyqqa alýymyz kerek", – dedi ministr.
