فوتو: Dikushin Dmitry / Shutterstock / FOTODOM
قازاقستان ٸشكٸ ٸستەر مينيسترٸ ەرجان سادەنوۆ ەلٸمٸزدەگٸ قىلمىستىق جاعدايعا ەسەر ەتەتٸن نەگٸزگٸ فاكتورلاردىڭ بٸرٸ — الكوگولدٸ شامادان تىس پايدالانۋ ەكەنٸن مەلٸمدەدٸ. وسىعان بايلانىستى مينيسترلٸك الكوگول ٶنٸمدەرٸن ونلاين ساتۋعا تىيىم سالۋدى ۇسىندى. بۇل تۋرالى Stan.kz اقپارات اگەنتتٸگٸ حابارلايدى.
مينيستردٸڭ ايتۋىنشا, كەيبٸر كەسٸپكەرلەر تابىس تابۋ ماقساتىندا سپيرتتٸك ٸشٸمدٸكتەردٸ ساتۋ كەزٸندە جاس جەنە ۋاقىت شەكتەۋلەرٸن ەلەمەيدٸ. مىسالى, تەۋلٸك بويى جۇمىس ٸستەيتٸن كافە مەن بارلاردىڭ اتىن جامىلىپ ساتادى.
"قازٸر ونلاين جەتكٸزۋ كەڭٸنەن قولدانىلادى. ال ليتسەنزييادان ايىرۋ شاراسى تيٸمدٸ ەمەس, ٶيتكەنٸ كەلەسٸ كٷنٸ ونى باسقا تۇلعاعا قايتا رەسٸمدەپ الۋعا بولادى", - دەدٸ ەرجان سادەنوۆ مەجٸلٸستەگٸ ٷكٸمەت ساعاتى بارىسىندا.
ٸٸم وسىعان بايلانىستى الكوگول ٶنٸمدەرٸن تەك ارنايى دٷكەندەردە — الكوماركەتتەردە ساتۋدى, ليتسەنزييا بەرۋگە قويىلاتىن تالاپتاردى قاتاڭداتۋ جەنە ولاردىڭ سانىن شەكتەۋدٸ, ويىن-ساۋىق ورىندارىندا سپيرتتٸك ٸشٸمدٸك ساتۋ ۋاقىتىن قىسقارتۋدى ۇسىندى.
"مۇنداي ورىنداردا ماس كٷيٸندە 1400-دەن استام قىلمىس, سونىڭ ٸشٸندە ٷش كٸسٸ ٶلتٸرۋ فاكتٸسٸ تٸركەلگەن. ٶكٸنٸشكە قاراي, كەيبٸر مەملەكەتتٸك ورگاندار بۇل ۇسىنىستاردى قولداپ وتىرعان جوق. دەگەنمەن, بٸز ەڭ الدىمەن ازاماتتاردىڭ ٶمٸرٸ مەن دەنساۋلىعىن ساقتاۋ مٷددەسٸن باسشىلىققا الۋىمىز كەرەك", – دەدٸ مينيستر.
