21 jastaǵy irandyq qyz ben onyń 22 jastaǵy súiiktisi «Tegeran qaqpasy» degen atpen tanylǵan Iran astanasynyń simvoly – Azadi munarasynyń janynda bilep, videosyn áleýmettik jelige salǵany úshin on jylǵa qamaldy, dep habarlaidy QazAqparat agenttigi VVS-ge silteme jasap.
Aqparat boiynsha, Astiaj Hagigi men Amir Mohammad Ahmadi «Azǵyndyq pen qoǵamdyq jezókshelikti nasihattaǵany» jáne «ulttyq qaýipsizdikti buzý maqsatynda jiyn ótkizgeni» úshin aiypty dep tanylǵan.
Olardyń romantikalyq bii taspalanǵan video Instagram jelisinde jariialanyp, million qaralym jinaǵan.
Hakiki men Ahmadi – eldegi tanymal blogerler, olardyń paraqshasyna kóp adam jazylǵan.
Keiingi ailarda Iran biligi áiel quqyqtaryn qorǵaityn naýqan qatysýshysy dep esepteitin adamdardyń báriniń sońyna tústi.
Jappai qarsylyq kórsetý byltyr qyrkúiekte 22 jastaǵy Mahsa Aminidiń óliminen keiin bastaldy. Jas qyzdy Islam ádet-ǵuryp politsiiasy hidjapty durys taqpaǵany úshin ustap áketip, ol politsiia ýchaskesinde qaitys bolǵan.
Mahsanyń týystary men ony áketkenin kórgen kýágerlerdiń aitýynsha, ony uryp-soqqan.
