21 جاستاعى يراندىق قىز بەن ونىڭ 22 جاستاعى سٷيٸكتٸسٸ «تەگەران قاقپاسى» دەگەن اتپەن تانىلعان يران استاناسىنىڭ سيمۆولى – ازادي مۇناراسىنىڭ جانىندا بيلەپ, ۆيدەوسىن ەلەۋمەتتٸك جەلٸگە سالعانى ٷشٸن ون جىلعا قامالدى, دەپ حابارلايدى قازاقپارات اگەنتتٸگٸ ۆۆس-گە سٸلتەمە جاساپ.
اقپارات بويىنشا, استياج حاگيگي مەن امير موحامماد احمادي «ازعىندىق پەن قوعامدىق جەزٶكشەلٸكتٸ ناسيحاتتاعانى» جەنە «ۇلتتىق قاۋٸپسٸزدٸكتٸ بۇزۋ ماقساتىندا جيىن ٶتكٸزگەنٸ» ٷشٸن ايىپتى دەپ تانىلعان.
ولاردىڭ رومانتيكالىق بيٸ تاسپالانعان ۆيدەو Instagram جەلٸسٸندە جارييالانىپ, ميلليون قارالىم جيناعان.
حاكيكي مەن احمادي – ەلدەگٸ تانىمال بلوگەرلەر, ولاردىڭ پاراقشاسىنا كٶپ ادام جازىلعان.
كەيٸنگٸ ايلاردا يران بيلٸگٸ ەيەل قۇقىقتارىن قورعايتىن ناۋقان قاتىسۋشىسى دەپ ەسەپتەيتٸن ادامداردىڭ بەرٸنٸڭ سوڭىنا تٷستٸ.
جاپپاي قارسىلىق كٶرسەتۋ بىلتىر قىركٷيەكتە 22 جاستاعى ماحسا امينيدٸڭ ٶلٸمٸنەن كەيٸن باستالدى. جاس قىزدى يسلام ەدەت-عۇرىپ پوليتسيياسى حيدجاپتى دۇرىس تاقپاعانى ٷشٸن ۇستاپ ەكەتٸپ, ول پوليتسييا ۋچاسكەسٸندە قايتىس بولعان.
ماحسانىڭ تۋىستارى مەن ونى ەكەتكەنٸن كٶرگەن كۋەگەرلەردٸڭ ايتۋىنشا, ونى ۇرىپ-سوققان.
