Investorlarǵa qoldaý kórsetetin investitsiialyq shtab qurý qajet. Bul týraly Úkimet otyrysynda QR Premer-Ministriniń orynbasary - Syrtqy ister ministri Muhtar Tileýberdi aitty, dep habarlaidy QazAqparat.
«Qazaqstan Respýblikasynyń Prezidenti Qasym-Jomart Toqaev Úkimettiń keńeitilgen otyrysynda investitsiialardy basqarýdyń kóp deńgeili júiesin reformalaý jáne ońtailandyrý boiynsha naqty usynystar ázirleýge tapsyrma berdi. Jahandyq básekelestiktiń ósýi jaǵdaiynda investitsiialardy tartý boiynsha jumysty sapaly jańa deńgeige shyǵarý maqsatynda, biz áleýetti investorlarmen jumys isteýdiń jańa tásilderin engizýdi jáne investitsiialyq jobalardy súiemeldeý boiynsha jumysty kúsheitýdi usynamyz», - dedi ol.
Onyń aitýynsha, el Premer-Ministriniń basshylyǵymen investitsiialyq jobalardy jedel túrde qarap, investorlarǵa jan-jaqty qoldaý kórsetetin investitsiialyq shtab qurý qajet.
«Atalǵan shtabtyń jumysyn kelesidei qurý usynylady, memlekettik organdar men jeke biznes investitsiialarǵa Tapsyrys qalyptastyrady. Ol «KAZAKH INVEST» UK» AQ-da jinaqtalatyn bolady. Budan ári «Astana» Halyqaralyq qarjy ortalyǵynyń quzyreti «Business Connect» bazasynda investitsiialyq usynystardy verifikatsiialaý bóliginde paidalanylatyn bolady. Verifikatsiiadan ótken jobalardyń ishinen arnaiy pýl qalyptastyrylatyn bolady, ol jobany iske asyrýdyń barlyq jolynda «Task Force» jekeshe bólimshesimen súiemeldenetin bolady. Bul bólimshe – investitsiialyq shtab janyndaǵy jobalyq sarapshylardan/kelissóz júrgizýshilerdiń arnaiy qurylǵan komandasy. Ol jumysty uiymdastyrýǵa jáne investitsiialyq shtabtyń kún tártibin qalyptastyrýǵa jaýap beredi. Qajet bolǵan jaǵdaida atalǵan komandanyń jumysyna memlekettik organdardyń, qarjy institýttary men kvazimemlekettik sektordyń qyzmetkerleri tartylatyn bolady, - dedi Muhtar Tileýberdi.
Ministrdiń atap ótýinshe, investorlarmen pysyqtalatyn aiqyn jobalar investitsiialyq shtabtyń qaraýyna shyǵarylatyn bolady. Shtabtyń mindeti – investor úshin erekshe jaǵdailardy qamtamasyz etý boiynsha naqty sheshim qabyldaý. Investorlar úshin erekshe sharttar aǵymdaǵy jylǵy
16 qańtarda kúshine engen «Ekonomikalyq ósýdi qalpyna keltirý týraly» Zań aiasynda strategiialyq investitsiialyq kelisimde kózdeledi.
«Osy jyldyń qańtar aiynda QR Úkimeti men amerikandyq «VALMONT» kompaniiasy arasynda osyndai alǵashqy kelisimge qol qoiylǵany jóninde atap ótken jón. Sonymen, investitsiialyq shtab músheleri alqaly túrde qaraǵannan keiin investitsiialyq kelisimge qol qoiýy, jobany maquldaý bolyp sanalady. Bul algoritm qajet bolǵan jaǵdaida odan ári jetildiriletin bolady. Joba boiynsha problemalyq máseleler týyndaǵan kezde investorlardyń suraý salýlary prokýratýra, sottar, Memleket basshysyna tikelei baǵynysty agenttikteri men basqa da memlekettik organdar ókilderiniń qatysýymen, onyń ishinde «Astana» Halyqaralyq qarjy ortalyǵy sotynyń iýrisdiktsiiasyn basymdyqpen paidalana otyryp, Investitsiialyq ombýdsmen alańynda qaralady. Osylaisha, investitsiialyq jobalardy ótpeli súiemeldeý men jinaqtalýy qamtamasyz etiledi, bul jaýapty organdar fýnktsiialarynyń qaitalanýyn boldyrmaýǵa múmkindik beredi», - dedi ol.
