ينۆەستورلارعا قولداۋ كٶرسەتەتٸن ينۆەستيتسييالىق شتاب قۇرۋ قاجەت. بۇل تۋرالى ٷكٸمەت وتىرىسىندا قر پرەمەر-مينيسترٸنٸڭ ورىنباسارى - سىرتقى ٸستەر مينيسترٸ مۇحتار تٸلەۋبەردٸ ايتتى, دەپ حابارلايدى قازاقپارات.
«قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆ ٷكٸمەتتٸڭ كەڭەيتٸلگەن وتىرىسىندا ينۆەستيتسييالاردى باسقارۋدىڭ كٶپ دەڭگەيلٸ جٷيەسٸن رەفورمالاۋ جەنە وڭتايلاندىرۋ بويىنشا ناقتى ۇسىنىستار ەزٸرلەۋگە تاپسىرما بەردٸ. جاھاندىق بەسەكەلەستٸكتٸڭ ٶسۋٸ جاعدايىندا ينۆەستيتسييالاردى تارتۋ بويىنشا جۇمىستى ساپالى جاڭا دەڭگەيگە شىعارۋ ماقساتىندا, بٸز ەلەۋەتتٸ ينۆەستورلارمەن جۇمىس ٸستەۋدٸڭ جاڭا تەسٸلدەرٸن ەنگٸزۋدٸ جەنە ينۆەستيتسييالىق جوبالاردى سٷيەمەلدەۋ بويىنشا جۇمىستى كٷشەيتۋدٸ ۇسىنامىز», - دەدٸ ول.
ونىڭ ايتۋىنشا, ەل پرەمەر-مينيسترٸنٸڭ باسشىلىعىمەن ينۆەستيتسييالىق جوبالاردى جەدەل تٷردە قاراپ, ينۆەستورلارعا جان-جاقتى قولداۋ كٶرسەتەتٸن ينۆەستيتسييالىق شتاب قۇرۋ قاجەت.
«اتالعان شتابتىڭ جۇمىسىن كەلەسٸدەي قۇرۋ ۇسىنىلادى, مەملەكەتتٸك ورگاندار مەن جەكە بيزنەس ينۆەستيتسييالارعا تاپسىرىس قالىپتاستىرادى. ول «KAZAKH INVEST» ۇك» اق-دا جيناقتالاتىن بولادى. بۇدان ەرٸ «استانا» حالىقارالىق قارجى ورتالىعىنىڭ قۇزىرەتٸ «Business Connect» بازاسىندا ينۆەستيتسييالىق ۇسىنىستاردى ۆەريفيكاتسييالاۋ بٶلٸگٸندە پايدالانىلاتىن بولادى. ۆەريفيكاتسييادان ٶتكەن جوبالاردىڭ ٸشٸنەن ارنايى پۋل قالىپتاستىرىلاتىن بولادى, ول جوبانى ٸسكە اسىرۋدىڭ بارلىق جولىندا «Task Force» جەكەشە بٶلٸمشەسٸمەن سٷيەمەلدەنەتٸن بولادى. بۇل بٶلٸمشە – ينۆەستيتسييالىق شتاب جانىنداعى جوبالىق ساراپشىلاردان/كەلٸسسٶز جٷرگٸزۋشٸلەردٸڭ ارنايى قۇرىلعان كومانداسى. ول جۇمىستى ۇيىمداستىرۋعا جەنە ينۆەستيتسييالىق شتابتىڭ كٷن تەرتٸبٸن قالىپتاستىرۋعا جاۋاپ بەرەدٸ. قاجەت بولعان جاعدايدا اتالعان كوماندانىڭ جۇمىسىنا مەملەكەتتٸك ورگانداردىڭ, قارجى ينستيتۋتتارى مەن كۆازيمەملەكەتتٸك سەكتوردىڭ قىزمەتكەرلەرٸ تارتىلاتىن بولادى, - دەدٸ مۇحتار تٸلەۋبەردٸ.
مينيستردٸڭ اتاپ ٶتۋٸنشە, ينۆەستورلارمەن پىسىقتالاتىن ايقىن جوبالار ينۆەستيتسييالىق شتابتىڭ قاراۋىنا شىعارىلاتىن بولادى. شتابتىڭ مٸندەتٸ – ينۆەستور ٷشٸن ەرەكشە جاعدايلاردى قامتاماسىز ەتۋ بويىنشا ناقتى شەشٸم قابىلداۋ. ينۆەستورلار ٷشٸن ەرەكشە شارتتار اعىمداعى جىلعى
16 قاڭتاردا كٷشٸنە ەنگەن «ەكونوميكالىق ٶسۋدٸ قالپىنا كەلتٸرۋ تۋرالى» زاڭ اياسىندا ستراتەگييالىق ينۆەستيتسييالىق كەلٸسٸمدە كٶزدەلەدٸ.
«وسى جىلدىڭ قاڭتار ايىندا قر ٷكٸمەتٸ مەن امەريكاندىق «VALMONT» كومپانيياسى اراسىندا وسىنداي العاشقى كەلٸسٸمگە قول قويىلعانى جٶنٸندە اتاپ ٶتكەن جٶن. سونىمەن, ينۆەستيتسييالىق شتاب مٷشەلەرٸ القالى تٷردە قاراعاننان كەيٸن ينۆەستيتسييالىق كەلٸسٸمگە قول قويۋى, جوبانى ماقۇلداۋ بولىپ سانالادى. بۇل الگوريتم قاجەت بولعان جاعدايدا ودان ەرٸ جەتٸلدٸرٸلەتٸن بولادى. جوبا بويىنشا پروبلەمالىق مەسەلەلەر تۋىنداعان كەزدە ينۆەستورلاردىڭ سۇراۋ سالۋلارى پروكۋراتۋرا, سوتتار, مەملەكەت باسشىسىنا تٸكەلەي باعىنىستى اگەنتتٸكتەرٸ مەن باسقا دا مەملەكەتتٸك ورگاندار ٶكٸلدەرٸنٸڭ قاتىسۋىمەن, ونىڭ ٸشٸندە «استانا» حالىقارالىق قارجى ورتالىعى سوتىنىڭ يۋريسديكتسيياسىن باسىمدىقپەن پايدالانا وتىرىپ, ينۆەستيتسييالىق ومبۋدسمەن الاڭىندا قارالادى. وسىلايشا, ينۆەستيتسييالىق جوبالاردى ٶتپەلٸ سٷيەمەلدەۋ مەن جيناقتالۋى قامتاماسىز ەتٸلەدٸ, بۇل جاۋاپتى ورگاندار فۋنكتسييالارىنىڭ قايتالانۋىن بولدىرماۋعا مٷمكٸندٸك بەرەدٸ», - دەدٸ ول.
