Búginde elimizde internet arqyly saýda jasaý jaqsy jolǵa qoiylǵan. Iaǵni úide otyryp kez kelgen taýarǵa tapsyrys berip, satyp alý múmkindigi bar. Osy oraida tutynýshylardyń quqyǵy qalai qorǵalyp jatyr. Bul týraly QR Saýda jáne integratsiia ministrligi tutynýshylardyń quqyǵyn qorǵaý komiteti tóraǵasynyń orynbasary Serik Qusaiynov aityp berdi, dep habarlaidy QazAqparat.
«Taýardy interner arqyly satyp alý qashyqtan jasalatyn saýda túrine jatady. Qashyqtan jasalatyn saýda barysy zańmen qadaǵalanady. Sonymen qatar saýda ministrliginde ishki saýda erejesi degen normativtik akt bar. Onda elektrondy saýdany retteýge qatysty barlyq jaittar anyq jazylǵan. Endigi ýaqytta sol normativtik akt erejesin «Tutynýshylardyń quqyǵyn qorǵaý» týraly salalyq zańǵa engizýdi josparlap otyrmyz. Sebebi saýda ministrliginde internet saýdaǵa qatysty osyndai buiryqtyń baryn ekiniń biri bile bermeidi», - dedi Serik Qusaiynov BAQ ókilderimen kezdesý barysynda.
Onyń aitýynsha, internet arqyly saýda jasaýdaǵy bar kedergilerdi joiý kerek.
«Internet arqyly saýda jasaityn tutynýshylardyń quqyǵyn qorǵaý úshin biz zańǵa tiisti ózgeris engizýdi qalaimyz. Buryn internet saýdasy asa damyǵan emes. Pandemiia bastalǵan soń barlyǵy onlainǵa kóshe bastady», - deidi ol.
