بٷگٸندە ەلٸمٸزدە ينتەرنەت ارقىلى ساۋدا جاساۋ جاقسى جولعا قويىلعان. ياعني ٷيدە وتىرىپ كەز كەلگەن تاۋارعا تاپسىرىس بەرٸپ, ساتىپ الۋ مٷمكٸندٸگٸ بار. وسى ورايدا تۇتىنۋشىلاردىڭ قۇقىعى قالاي قورعالىپ جاتىر. بۇل تۋرالى قر ساۋدا جەنە ينتەگراتسييا مينيسترلٸگٸ تۇتىنۋشىلاردىڭ قۇقىعىن قورعاۋ كوميتەتٸ تٶراعاسىنىڭ ورىنباسارى سەرٸك قۇسايىنوۆ ايتىپ بەردٸ, دەپ حابارلايدى قازاقپارات.
«تاۋاردى ينتەرنەر ارقىلى ساتىپ الۋ قاشىقتان جاسالاتىن ساۋدا تٷرٸنە جاتادى. قاشىقتان جاسالاتىن ساۋدا بارىسى زاڭمەن قاداعالانادى. سونىمەن قاتار ساۋدا مينيسترلٸگٸندە ٸشكٸ ساۋدا ەرەجەسٸ دەگەن نورماتيۆتٸك اكت بار. وندا ەلەكتروندى ساۋدانى رەتتەۋگە قاتىستى بارلىق جايتتار انىق جازىلعان. ەندٸگٸ ۋاقىتتا سول نورماتيۆتٸك اكت ەرەجەسٸن «تۇتىنۋشىلاردىڭ قۇقىعىن قورعاۋ» تۋرالى سالالىق زاڭعا ەنگٸزۋدٸ جوسپارلاپ وتىرمىز. سەبەبٸ ساۋدا مينيسترلٸگٸندە ينتەرنەت ساۋداعا قاتىستى وسىنداي بۇيرىقتىڭ بارىن ەكٸنٸڭ بٸرٸ بٸلە بەرمەيدٸ», - دەدٸ سەرٸك قۇسايىنوۆ باق ٶكٸلدەرٸمەن كەزدەسۋ بارىسىندا.
ونىڭ ايتۋىنشا, ينتەرنەت ارقىلى ساۋدا جاساۋداعى بار كەدەرگٸلەردٸ جويۋ كەرەك.
«ينتەرنەت ارقىلى ساۋدا جاسايتىن تۇتىنۋشىلاردىڭ قۇقىعىن قورعاۋ ٷشٸن بٸز زاڭعا تيٸستٸ ٶزگەرٸس ەنگٸزۋدٸ قالايمىز. بۇرىن ينتەرنەت ساۋداسى اسا دامىعان ەمەس. پاندەمييا باستالعان سوڭ بارلىعى ونلاينعا كٶشە باستادى», - دەيدٸ ول.
