Foto: parlam.kz
Joǵary aýditorlyq palata tóraǵasy Parlamenttiń birlesken otyrysynda biýdjet esebinen iske asatyn jobalardyń qunyn asyryp baǵalaý beleń alyp turǵanyn aitty, dep habarlaidy QazAqparat.
«Ministrlikterdiń ózi jeńildetilgen nesie men preferentsiialardy, kepil berilgen boryshty usyný kezinde atalǵan memlekettik qoldaý óndiristerdi keńeitip, jumys oryndarynyń sanyn kóbeitetinin negiz etip kórsetedi. Al kórsetkishter kóp suraq týyndatady. Qarajat bólingen jyly nátije bola qoimaityny túsinikti. Biraq orta merzimmen 3-5 jyl ishinde nátijesi kórinýi kerek qoi», - dedi Natalia Godýnova.
Sondai-aq, ol biýdjetti tiimsiz qoldaný tendentsiiasyn aýyzdyqtaý da - qosymsha kiris kózi bola alatynyn eske saldy.
«Tórt jyl buryn jobalaý-smetalyq qujattamada joba qunyn asyryp kórsetý deńgeii - 30%, al onyń jalpy somasy 1 trln teńge bolady dep eseptegen bolatynbyz. Qazir jobalardyń qymbattaýy jalpy sipat alyp otyr. Onyń jalpy somasy tipten qomaqty. Osyǵan bailanysty ásirese Indýstriia jáne infraqurylymdyq damý ministrligi tarapynan aqylǵa qonymdy sharalar, al memlekettik saraptama tarapynan qatań baqylaý kerek», - dedi Joǵary aýditorlyq palata basshysy.
