فوتو: parlam.kz
جوعارى اۋديتورلىق پالاتا تٶراعاسى پارلامەنتتٸڭ بٸرلەسكەن وتىرىسىندا بيۋدجەت ەسەبٸنەن ٸسكە اساتىن جوبالاردىڭ قۇنىن اسىرىپ باعالاۋ بەلەڭ الىپ تۇرعانىن ايتتى, دەپ حابارلايدى قازاقپارات.
«مينيسترلٸكتەردٸڭ ٶزٸ جەڭٸلدەتٸلگەن نەسيە مەن پرەفەرەنتسييالاردى, كەپٸل بەرٸلگەن بورىشتى ۇسىنۋ كەزٸندە اتالعان مەملەكەتتٸك قولداۋ ٶندٸرٸستەردٸ كەڭەيتٸپ, جۇمىس ورىندارىنىڭ سانىن كٶبەيتەتٸنٸن نەگٸز ەتٸپ كٶرسەتەدٸ. ال كٶرسەتكٸشتەر كٶپ سۇراق تۋىنداتادى. قاراجات بٶلٸنگەن جىلى نەتيجە بولا قويمايتىنى تٷسٸنٸكتٸ. بٸراق ورتا مەرزٸممەن 3-5 جىل ٸشٸندە نەتيجەسٸ كٶرٸنۋٸ كەرەك قوي», - دەدٸ ناتاليا گودۋنوۆا.
سونداي-اق, ول بيۋدجەتتٸ تيٸمسٸز قولدانۋ تەندەنتسيياسىن اۋىزدىقتاۋ دا - قوسىمشا كٸرٸس كٶزٸ بولا الاتىنىن ەسكە سالدى.
«تٶرت جىل بۇرىن جوبالاۋ-سمەتالىق قۇجاتتامادا جوبا قۇنىن اسىرىپ كٶرسەتۋ دەڭگەيٸ - 30%, ال ونىڭ جالپى سوماسى 1 ترلن تەڭگە بولادى دەپ ەسەپتەگەن بولاتىنبىز. قازٸر جوبالاردىڭ قىمباتتاۋى جالپى سيپات الىپ وتىر. ونىڭ جالپى سوماسى تٸپتەن قوماقتى. وسىعان بايلانىستى ەسٸرەسە يندۋسترييا جەنە ينفراقۇرىلىمدىق دامۋ مينيسترلٸگٸ تاراپىنان اقىلعا قونىمدى شارالار, ال مەملەكەتتٸك ساراپتاما تاراپىنان قاتاڭ باقىلاۋ كەرەك», - دەدٸ جوعارى اۋديتورلىق پالاتا باسشىسى.
