Indoneziiada ótken jalpyhalyqtyq sailaýdaǵy daýystardy sanaý kezinde tityqtap zoryqqan 91 adam qaitys boldy. Bul týraly seisenbide Antara agenttigi Indoneziia Ortalyq sailaý komissiiasynyń tóraǵasy Arif Býdimanǵa silteme jasap habarlady.
Arif Býdimannyń aitýynsha, taǵy 374 adamnyń qatty qaljyraǵandyqtan densaýlyǵy kúrt nasharlaǵan.
Qurban bolǵandardyń arasynda Malýký provintsiiasyndaǵy sailaý ýchaskesiniń basshysy Adodo Molý da bar. Ol óńirdegi sailaý qorytyndylaryna arnalǵan jalpy otyrys kezinde jan tapsyrdy.
17 sáýir kúni Indoneziiadaǵy eń úlken sailaý ótkizildi. El azamattary prezidentten tys eki palatanyń depýtattaryn, jergilikti zań shyǵarýshylardy sailaǵan.
Sailaýǵa jalpy 240 kandidat qatysyp, olar 20 myń orynǵa talasqan bolatyn.
Daýys berýge 193 mln sailaýshynyń 80 paiyzy kelgen.
