يندونەزييادا ٶتكەن جالپىحالىقتىق سايلاۋداعى داۋىستاردى ساناۋ كەزٸندە تيتىقتاپ زورىققان 91 ادام قايتىس بولدى. بۇل تۋرالى سەيسەنبٸدە Antara اگەنتتٸگٸ يندونەزييا ورتالىق سايلاۋ كوميسسيياسىنىڭ تٶراعاسى اريف بۋديمانعا سٸلتەمە جاساپ حابارلادى.
اريف بۋديماننىڭ ايتۋىنشا, تاعى 374 ادامنىڭ قاتتى قالجىراعاندىقتان دەنساۋلىعى كٷرت ناشارلاعان.
قۇربان بولعانداردىڭ اراسىندا مالۋكۋ پروۆينتسيياسىنداعى سايلاۋ ۋچاسكەسٸنٸڭ باسشىسى ادودو مولۋ دا بار. ول ٶڭٸردەگٸ سايلاۋ قورىتىندىلارىنا ارنالعان جالپى وتىرىس كەزٸندە جان تاپسىردى.
17 سەۋٸر كٷنٸ يندونەزيياداعى ەڭ ٷلكەن سايلاۋ ٶتكٸزٸلدٸ. ەل ازاماتتارى پرەزيدەنتتەن تىس ەكٸ پالاتانىڭ دەپۋتاتتارىن, جەرگٸلٸكتٸ زاڭ شىعارۋشىلاردى سايلاعان.
سايلاۋعا جالپى 240 كانديدات قاتىسىپ, ولار 20 مىڭ ورىنعا تالاسقان بولاتىن.
داۋىس بەرۋگە 193 ملن سايلاۋشىنىڭ 80 پايىزى كەلگەن.
