«Talap» qoldanbaly zertteýler ortalyǵynyń direktory Rahym Oshaqbaev karantin sharalaryn eki aptaǵa uzartý týraly Prezidenttiń tapsyrmasyna qatysty pikir bildirdi, dep habarlaidy QazAqparat.
«Tiisti sheshim qabyldandy. Bul sheshimniń negizi bar dep esepteimin. Jaǵdaidy optimizmmen baǵalaityndai sebepter de bar. Qazaqstanda koronavirýsty juqtyrý jaǵdaiy táýligine 4 paiyzdan 2,1 paiyzǵa deiin azaidy. Jansaqtaý bólimindegi tósek oryndar da aitarlyqtai bosaýda. Meniń oiymsha jańadan kelgen Densaýlyq saqtaý ministri qazirgi máseleni oily túrde sheshe bastady. 3400-ge tarta mobildi brigada quryldy. Osynyń bárin pozitivti trend dep baǵalaýǵa bolady», - dedi sarapshy telefon arqyly aitqan pikirinde.
Rahym Oshaqbaevtyń aitýyna qaraǵanda, qazir qalyptasqan pozitivti trendti bekemdeý kerek.
«Menińshe, aldaǵy eki aptalyq karantinniń engizilýiniń negizi bar. Ótkennen sabaq alýymyz kerek. Ózderińiz biletindei, karantinde boldyq ta, azdap bosańsyp, sonyń saldaryn kórdik. Sol sebepti bul indetti odan ary azaitýdy amaldaryn qarastyrý kerek. Bul sheshimdi qoldaimyn», - dedi ol.
Eske sala ketsek, búgin Memleket basshysy Qasym-Jomart Toqaev epidemiologiialyq ahýaldy turaqtandyrý jóninde keńes ótkizip, karantin sharalaryn eki aptaǵa uzartýdy tapsyrǵan bolatyn.
