«تالاپ» قولدانبالى زەرتتەۋلەر ورتالىعىنىڭ ديرەكتورى راحىم وشاقباەۆ كارانتين شارالارىن ەكٸ اپتاعا ۇزارتۋ تۋرالى پرەزيدەنتتٸڭ تاپسىرماسىنا قاتىستى پٸكٸر بٸلدٸردٸ, دەپ حابارلايدى قازاقپارات.
«تيٸستٸ شەشٸم قابىلداندى. بۇل شەشٸمنٸڭ نەگٸزٸ بار دەپ ەسەپتەيمٸن. جاعدايدى وپتيميزممەن باعالايتىنداي سەبەپتەر دە بار. قازاقستاندا كوروناۆيرۋستى جۇقتىرۋ جاعدايى تەۋلٸگٸنە 4 پايىزدان 2,1 پايىزعا دەيٸن ازايدى. جانساقتاۋ بٶلٸمٸندەگٸ تٶسەك ورىندار دا ايتارلىقتاي بوساۋدا. مەنٸڭ ويىمشا جاڭادان كەلگەن دەنساۋلىق ساقتاۋ مينيسترٸ قازٸرگٸ مەسەلەنٸ ويلى تٷردە شەشە باستادى. 3400-گە تارتا موبيلدٸ بريگادا قۇرىلدى. وسىنىڭ بەرٸن پوزيتيۆتٸ ترەند دەپ باعالاۋعا بولادى», - دەدٸ ساراپشى تەلەفون ارقىلى ايتقان پٸكٸرٸندە.
راحىم وشاقباەۆتىڭ ايتۋىنا قاراعاندا, قازٸر قالىپتاسقان پوزيتيۆتٸ ترەندتٸ بەكەمدەۋ كەرەك.
«مەنٸڭشە, الداعى ەكٸ اپتالىق كارانتيننٸڭ ەنگٸزٸلۋٸنٸڭ نەگٸزٸ بار. ٶتكەننەن ساباق الۋىمىز كەرەك. ٶزدەرٸڭٸز بٸلەتٸندەي, كارانتيندە بولدىق تا, ازداپ بوساڭسىپ, سونىڭ سالدارىن كٶردٸك. سول سەبەپتٸ بۇل ٸندەتتٸ ودان ارى ازايتۋدى امالدارىن قاراستىرۋ كەرەك. بۇل شەشٸمدٸ قولدايمىن», - دەدٸ ول.
ەسكە سالا كەتسەك, بٷگٸن مەملەكەت باسشىسى قاسىم-جومارت توقاەۆ ەپيدەميولوگييالىق احۋالدى تۇراقتاندىرۋ جٶنٸندە كەڭەس ٶتكٸزٸپ, كارانتين شارالارىن ەكٸ اپتاعا ۇزارتۋدى تاپسىرعان بولاتىن.
